Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
26 Ots, 2023
Talde irundarrak, bi puntu gehiagorekin, sailkapeneko laugarren postura igotzea lortu du
Bidasoak Valladolid garaitzea lortu zuen atzo Huerta del Rey kantxan. Neurketa hasieratik aitzinetik jartzea lortu zuen eta, errenta hori mantenduta eta handituta, azkenik 32-37ko markagailuarekin irabaztea lortu zuen. Etxetik kanpoko emaitzen bolada txarrari buelta emanda, bi puntu gehiagorekin itzuli dira Jacobo Cuetararen mutilak etxera, sailkapeneko laugarren postua berreskuratuta.
Partidua hasi eta berehala hartu zuen Bidasoak jokoaren erritmoa. Markagailuan aitzinetik jartzea lortu zuen, nahiz eta gol bakarreko abantailarekin izan. Lehen zatiko ezbeharra Iñaki Caveroren kanporatzea izan zen, penaltia jaurtitzerakoan atezainari aurpegian kolpatu ondotik. Neurketa kolokan jarriko zenaren beldur izan ziren bidasotarrak, baina honi aurre egitea ere lortu zuten. Emaitzari eutsira, atsedenaldira berdinduta iritsi ziren bi taldeak, 16-16koarekin.
Bigarren zatian, Francisco da Silva gabe ere gelditu zen talde irundarra, eta defentsako lana birpentsatu behar izan zuen Jacobo Cuetarak. Hala ere, bisitariek ez zuten amore eman eta aitzinera segitu zuten markagailua euren alde mantentzeko. Jakub Skrzyniarzek atean egindako lanari esker, sei minutuz golik jaso gabe egon zen Bidasoa eta honek abantailari eustea ahalbidetu zien (23-22tik 23-26ra pasatuta). Partidu bukaeran talde irundarra nagusi izan zen jokoan eta azkenik, 60 minutuak agortuta, 32-37ko markagailua erdietsi zuen.
Bi puntu gehiagorekin eta sailkapeneko laugarren postua berreskuratuta, indarrez ekingo dio Jacobo Cuetararen taldeak aste berri bati. Bi hitzordu garrantzitsu izanen dituzte gainera, aste honetan zehar, lehena asteartean. EHFko Multzo Faseko azken jardunaldia jokatuko dute orduan, Aarhus Skanderborg Håndbold taldearen kontra, 20:45ean. Igandean berriz, martxoaren 5ean, Barça jasoko dute Artalekun baita ere, 19:30ean.
(Argazkia: Enrique Lopez)
Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...
Bidasoa Irunek bihar, maiatzaren 3an, bisitatuko du Huesca bere helburuak lortzeko neurketa garrantzitsu bat jokatzeko
Bidasoa Irunek Huesca...
34-23ko markagailua erdietsi zuen talde irundarrak Frigorificos del Morrazoren kontra atzo Artalekun
Bidasoa Irunek bertze bi puntu garrantzitsu...