BIDASOAK GARAIPENAREKIN HASI DU BIGARREN ITZULIA
Eskubaloia

BIDASOAK GARAIPENAREKIN HASI DU BIGARREN ITZULIA

Partidu landua irabazi zuen Jacobo Cuetararen taldeak atzo eta denboraldiko lehen neurketan erakutsitakoari buelta eman zion

Bidasoak Artalekun hasi zuen atzo denboraldiko bigarren itzulia. TM Benidorm jaso zuen talde irundarrak eta Plenitude ASOBAL Ligako urteko lehen garaipena eskuratzea lortu zuen. Jokoan sartzea kosta egin zitzaien etxekoei, defentsan ez baitziren eroso egon eta erasoan ere ez baitzuten erritmorik hartzen. Hala ere, minutuak joan ahala, sentsazioak berreskuratzen joan ziren eta azkenik, 32-27ko markagailuarekin Benidorm garaitzea lortu zuten.

Lehen minutuan gogorrak izan ziren Bidasoarentzat. Jacobo Cuetarak aitzindu zuen moduan, lehen jardunaldiak urduritasunez jokatzen dira eta horrela izan zen etxekoentzat ere. Erritmoa hartu ezinik eta defentsan ere deseroso sentituta, Benidormek eskuratu zituen lehen abantailak markagailuan. Hala ere, talde irundarra bere lekua hartzen joan zen eta, Jon Azkueren lanari eta golei esker, errenta puntu bakarrera murriztea lortu zuten (5-6, 11. minutuan). Hau ikusirik, Benidormek hutsartea eskatu zuen, Bidasoak berreskuratutako erritmoa hautsi nahiean. Ez zuen lortu, ordea. Etxekoek erritmoari eutsi eta, Julen Mujikari esker, lehen aldiz aitzinetik jarri ziren, 18. minutuan 11-10ekoa lortuz. Atsedenaldira iritsi zirenean, lehen zatian lortutako abantailarik handiena zuten emaitzan, 17-14koa.

Markagailua bere alde mantendu zuen Jacobo Cuetararen taldeak bigarren zatian ere. Aurkariak bi aldiz berdintzeko aukera eduki arren, ez zuen lortu eta, poliki-poliki, Bidasoa errenta handitzen joan zen. Gainera, Jakub Skrzyniarzek penalti bat gelditu eta taldeak arnasa hartzeko aukera izan zuen azken minutuetan. Izan ere, gibeletik estutzen zuen talde bisitariak eta geldiketa horri esker, hiru goleko abantaila izatea lortu zuten etxekoak (55. minutuan, 28-25). Azkenik, 60 minutuak bukatuta, Bidasoak 32-27ko markagailuarekin garaitu zuen Benidorm, eta lehen itzuliko partidari eta emaitzari (26-23) buelta ematea lortu zuen.

Denboraldiko bigarren itzulia ezinhobe hasi dute Jacobo Cuetararen mutilek. Asier Nietoren falta izan zuten kantxan atzo, sorbaldan bihurritu bat zuelako. Hala ere, joko landua eta sentsazio onak erakutsi zituzten Artalekun eta datozen erronkei aurre egiteko prest daudela ziurtatu zuten. Hain zuzen ere, datorren asteartean Europako Txapelketari ekingo diote berriz irundarrek. Aguas Santas Milaneza bisitatuko dute otsailaren 7an, 20:45ean.

(Argazkia: Arrate Morales)

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”
Eskubaloia

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”

Bidasoa Irunen ortzirale honetan (martxoaren 29an) jasoko du etxean Anaitasuna, euskal derbia jokatzeko

Bidasoa Irun etxera bueltatuko da asteburu...

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN
Eskubaloia

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN

Apirilaren 10ean ospatuko dute bi taldeek hirugarren kanporaketa partida bakarrean

Agustinos Alicante izanen da Bidasoa Irunen aurkaria apirilaren 10ean...

BIDASOAK PORROTA JASO ZUEN NAVAN
Eskubaloia

BIDASOAK PORROTA JASO ZUEN NAVAN

Bigarren zatian aukera izan zuen talde horiak puntuak eskuratzeko, baina azkenik gol bakarrarengatik ihes egin zion garaipenak

Bidasoak ezin izan...

HONDARRIBIA ESKUBALOIAK BERE ZUZENDARITZA BATZORDEA BERRITU DU
Eskubaloia

HONDARRIBIA ESKUBALOIAK BERE ZUZENDARITZA BATZORDEA BERRITU DU

Ibilbide berri honetan, CD Bidasoako presidenteak, Gurutz Aginagaldek, bere babesa adierazi nahi izan du eta 2019ko udatik dauden harremanak...

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”
Eskubaloia

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”

Bidasoa Irunek Viveros Herol BM Nava taldea bisitatuko du larunbatean 21:00etan

Bidasoa Irunek Plenitude ASOBAL Ligari segida emanen dio asteburu...

BM BIDASOA IRUN EUSKADIKO JUBENIL TXAPELKETAKO TXAPELDUNORDE
Eskubaloia

BM BIDASOA IRUN EUSKADIKO JUBENIL TXAPELKETAKO TXAPELDUNORDE

Irundarrek Balonmano Barakaldo A taldea izan zuten aitzinean finalean, eta 24-23ko markagailuarekin irabazi zuten bizkaitarrek

Euskadiko Jubenil...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika