Erromoko Eskubaloiaren kontra aritu ziren finalean eta 20-41ko markagailuan gainditu zituzten ermuarrak
Bidasoa Irunek Euskal Kopako finalean...
18 Aza, 2022
Talde irundarrak Plenitude ASOBAL Ligako bigarren talderik onena hartuko du etxean, bihar 18:00etan
Bidasoak, Leonen porrota jaso ondotik, bertze neurketa zail bati egin beharko dio aurre asteburu honetan. Hain zuzen ere, Plenitude ASOBAL Ligako momentu honetako bigarren talderik onena jaso beharko dute Jacobo Cuetararen mutilek etxean. Norgehiagoka garrantzitsua eta gogor hau bihar ospatuko da, azaroaren 19an, arratsaldeko 18:00etan.
Jacobo Cuetararen hitzetan “aurrera egin behar” du taldeak. Ademar Leonen kontrako porrota alde batera utzi eta bihar jokatuko duten “partidu garrantzitsuan pentsatu”. Neurketa gogorra izanen da gainera, izan ere, Granollers “Ligako bigarren talderik onena da momentu honetan eta oso indartsu dago”, Cuetarak erran duenez. “Guretzat bi puntu garrantzitsu jokatzen dira bihar, aurre egiten lagunduko digutenak. Beraz, etxean indartsu aritu behar gara”, gaineratu du.
Kataluniarren inguruan, “erritmo handiko talde bat” dela aipatu du entrenatzaileak, “kohesionatua eta desoreka sortarazten duten jokalariekin. Aurkari oso zaila”. Hala ere, Bidasoak akatsak konpondu eta Granollersi aldea ateratzen saiatu beharko da. “Porrotetan izan dugun ahultasuna kontrola galtzea izan da, batez ere markagailuan atzetik gaudenean eta partzial handi bat egiten digutenean”, onartu du prestatzaileak. Gainera, “jokoan heldutasun eza” izan dutela ere adierazi du, nahiz eta gero “neurketa iraultzeko puntuan egon garen ere”.
Hala ere, arazo guzti horiek kanpoan jokatu dituzten neurketetan nabaritu dituzte. Etxean, aldiz, garaipen zabalak eskuratu dituzte eta lehiakor ibili da Bidasoa. Honek euren alde jokatuko du bihar, izan ere, Artalekuren babesa somatuko dute jokalariek eta abantaila horrekin eginen diote aurre Granollersen aurkako neurketa zailari.
Erromoko Eskubaloiaren kontra aritu ziren finalean eta 20-41ko markagailuan gainditu zituzten ermuarrak
Bidasoa Irunek Euskal Kopako finalean...
Euskal Kopa bereganatu ondotik, Bidasoa Irunek Frigorificos del Morrazo jasoko du bihar (apirilaren 26an) Artalekun
Bidasoa Irunek Euskal Kopa...
Jacobo Cuetararen mutilek ezin izan zuten Ademar Leon garaitu eta 33-32ko markagailuarekin galdu zuten bertan
Bidasoa Irunek 33-32ko...
Bidasoa Irunek Ademar Leon bisitatuko du igande honetan, apirilaren 21ean, 17:00etan
Bidasoa Irunek Ademar Leonen kontrako partidua jokatuko du...
Irun 2029ko Emakumezkoen Munduko Eskubaloi Txapelketaren egoitza izendatu zuten atzo Parisen
Irun 2029ko Emakumezkoen Munduko Eskubaloi...
Blendio Sinfinen kontra 36-24ko emaitzarekin irabazi zuen talde horiak Artalekun
Bidasoa Irunek garaipena eskuratu zuen pasa den larunbatean etxean,...