Cuencak 29-26ko markagailuarekin irabaztea irabazi zion talde horiari, Plenitude ASOBAL Ligan segitzeko helburua lortuz
Bidasoa Irunek galdu egin...
16 Api, 2016
BIDASOA: Dejanovic, Martínez (2), Crowley (1), Beltza, Kauldi (3), Muiña (1), Azkue (6). Zubiria, Cavero (3), Vázquez (4), Portero, Villar (1), Bezbradica, Mouriño (4), Davidovic (1).
ACADEMIA OCTAVIO: García, Méndez (6), Conde (1), Quintas, Figueirido (3), Galloso (2), Iglesias (3). Hermida, Corcera (1), Veiga, Fernández (4), Batán, Herrero (3), Silva (3), Bernárdez, Piñeiro.
MARKAGAILUA: 1-2, 3-4, 6-6, 8-9, 11-11,13-12(atsedenaldia); 15-15, 17-18, 19-21, 22-23, 24-25, 26-26.
Kolpe latza jaso du Bidasoa-Irunek ligako 25.jardunaldian. Sailkapeneko azkenaren aurka berdindu du etxean, Artaleku kiroldegian. Ligako azken txanpari bide onetik heltzeko helburua zuen Bidasoak. Alabaina, ez du sailkapeneko bigarrenari eska dakiokeen maila eman. Itxura txarra hartu du norgehiagokak hasieratik. Ezustekoaren ondorio izan zitezkeen Octavioren lehen abantailak. Denborak aurrera egin ahala, ordea, agerian gelditu da talde galiziarra etxekoak estu hartzeko gai zela. Momentu honetan, Bidasoaren jokoa ez baita ligako lehen itzulikoa. Ezta gutxiago ere. 25.minutuan lortu du talde bidasoarrak markagailuan lehen aldiz aurretik jartzea. Atsedenaldiaren aurretik bi goleko abantaila hartzeko aukera ere izan du Bidasoak, baina Jorge García atezainak jaurtiketa gelditu dio Didac Villarri, kontraeraso batean.
Bigarren zatiko lehen erasoan, Crowleyk langara bidali du jaurtiketa. Bidasoari gainera zetorkionaren aurrerapena izan da. Artalekuko taldeak ez du funtzionatu, ez defentsan, ezta erasoan ere. Sei metroko marratik jaurtiketa mordoa huts egin dute irundarrek. Neurri batean, García atezainaren abileziaren ondorioz. Hala ere, 23-23ko berdinketa sartzea lortu du Caverok, 50.minutuan. Emandako itxura txarra alde batera utzi, eta neurketa irabazteko hamar minutu izan ditu Bidasoak. Azken minutuan sartuta, Davidovicek gol bateko abantaila eman dio etxeko taldeari, salbuespen izan den jokaldi landu baten ondoren. Baina Artalekukoek ezin izan dute galiziarren erasoa gelditu. Azken jokaldian presaka ibili da Bidasoa, eta huts egin du, beste behin ere. Sailkapenean Irungo taldea harrapatzeko aukera eman dio berdinketak Palma del Riori.
Cuencak 29-26ko markagailuarekin irabaztea irabazi zion talde horiari, Plenitude ASOBAL Ligan segitzeko helburua lortuz
Bidasoa Irunek galdu egin...
Kadete mailako gizonezkoak Kantabrian egonen dira asteburuan B multzoan Sektore Fasea jokatzen
Zaisa Bidasoa Irun, Bidasoako kadete mailako gizonezkoak,...
Bidasoa Irunek Plenitude ASOBAL Ligako azken jardunaldia jokatuko du, Cuencaren kontra eta matematikoki txapeldunordetza lortuta
Plenitude ASOBAL...
Puerto Saguntoren kontra irabazita, talde irundarrak matematikoki lortu du bigarren postuan sailkatzea, baita Europako txapelketarako sarbidea...
Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...