BIDASOAK INDARRA ERAKUSTEN JARRAITU ZUEN BARTZELONAN
Eskubaloia

BIDASOAK INDARRA ERAKUSTEN JARRAITU ZUEN BARTZELONAN

Bidasoak ezin izan zion Barçari irabazi (31-28), baina joko bikaina erakutsi zuen beraien aurrean 

Larunbat eguerdian Bidasoak aurrez aurre izan zuen Barça, Sacyr Asobaleko liderra, eta nahiz eta ez zuten lortu hau menderatzea, irundarrek joko ona erakutsi zuten kantxan eta oso parekatuak ibili ziren markagailuan neurketa guztian zehar.

Lehenengo zatia hasi bezain pronto, etxeko taldea aurretik jarri zen eta markagailuan nagusi izaten jarraitu zuen jardunaldiko beste 60 minutuetan ere. Hala ere, Bidasoak ez zuen amore eman eta gogor aritu zen Barçaren aurka, 26. minutuan 14ra berdindu arte. Kataluniarrak berriz ere aldea ireki zuten azken minutuetan, baina Iñaki Caveroren penaltiari esker, atsedenaldira soilik bi goleko aldearekin joan ziren bi taldeak (17-15).

Bigarren zatia ere modu beretik joan zen. Barça aurretik kokatua egon zen, baina Bidasoak bi goleko errenta txikia mantentzen jakin zuen, amaieraraino neurketa zabalik utzita. Hala ere, aldea ezin izan zen guztiz murriztu, eta azkenean etxeko taldea izan zen garaile hiru goleko tartearekin, Bidasoa 31-28ko markagailuarekin menderatuz.

Honekin, Bidasoak Palau Blaugranan erakutsi zuen, baldintzatuak egon arren, taldea indartsu mantendu dela eta denek bat egiten dutela garai latzetan. Izan ere, Jon Azkue eta Rodrigo Salinas gabe, eta Julen Aginagalde eta Adrian Fernandezen azken orduko bajekin, Bidasoa harrobiko bost jokalariekin kantxaratu zen, horietako batek gainera Sacyr Asobal Ligan debuta eginez, Asier Iribar zumaiarrak hain zuzen ere. Jokalari gazte hauek taldean beraien lekua egin eta beraien konpromezua eta lana erakutsi zuten. Iribarrek berak “partiduaren aurreko momentuak oso bereziak izan dira. Urduri nengoen, baina gogoz. Fokalizatua nengoen, banekien zer egin momentu oro. Txikitatik horrelako momentu batekin amets egiten nuen eta iritsi da. Orain aurrera eta jolastera”, esan zuen.

Gorka Nietok, beste harrobiko jokalari batek, taldearentzat lortutako emaitza positiboa izan zela onartu zuen baita ere: “Nik uste pozik egon behar garela. Badakigu Palaun oso zaila dela eta ikusita taldea nola dagoen indarrak neurtu behar genituen. Hala ere, taldearen geneak borrokatzera eramaten gaitu eta horrela egin dugu. Azkenean irabazteko aukera izan genezakeela ikusi dugu, baina ezin izan dugu. Hala ere, uste dut emaitza positiboa dela”.

Jacobo Cuetara entrenatzaileak ere jokalarietaz oso harro zegoela esan zuen eta pozik azaldu zen neurketaren amaieran: “Azken momentura arte aukera genuela pentsatu dugu, eta hori taldearen baloreetan sartzen da. Oso ongi jokatu dugu erasoan eta defentsan. Horren adibide da Bartzelonaren 31 golak, ez direla asko beraientzat, eta gure 28 golak, asko direla horrelako aurkari baten aurrean zaudenean. Zailtasunak gainditu ditugu eta oso harro nago eman dugun mailarekin”.

(Argazkia: Paco Largo)

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”
Eskubaloia

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”

Bidasoa Irunen ortzirale honetan (martxoaren 29an) jasoko du etxean Anaitasuna, euskal derbia jokatzeko

Bidasoa Irun etxera bueltatuko da asteburu...

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN
Eskubaloia

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN

Apirilaren 10ean ospatuko dute bi taldeek hirugarren kanporaketa partida bakarrean

Agustinos Alicante izanen da Bidasoa Irunen aurkaria apirilaren 10ean...

BIDASOAK PORROTA JASO ZUEN NAVAN
Eskubaloia

BIDASOAK PORROTA JASO ZUEN NAVAN

Bigarren zatian aukera izan zuen talde horiak puntuak eskuratzeko, baina azkenik gol bakarrarengatik ihes egin zion garaipenak

Bidasoak ezin izan...

HONDARRIBIA ESKUBALOIAK BERE ZUZENDARITZA BATZORDEA BERRITU DU
Eskubaloia

HONDARRIBIA ESKUBALOIAK BERE ZUZENDARITZA BATZORDEA BERRITU DU

Ibilbide berri honetan, CD Bidasoako presidenteak, Gurutz Aginagaldek, bere babesa adierazi nahi izan du eta 2019ko udatik dauden harremanak...

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”
Eskubaloia

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”

Bidasoa Irunek Viveros Herol BM Nava taldea bisitatuko du larunbatean 21:00etan

Bidasoa Irunek Plenitude ASOBAL Ligari segida emanen dio asteburu...

BM BIDASOA IRUN EUSKADIKO JUBENIL TXAPELKETAKO TXAPELDUNORDE
Eskubaloia

BM BIDASOA IRUN EUSKADIKO JUBENIL TXAPELKETAKO TXAPELDUNORDE

Irundarrek Balonmano Barakaldo A taldea izan zuten aitzinean finalean, eta 24-23ko markagailuarekin irabazi zuten bizkaitarrek

Euskadiko Jubenil...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika