Bidasoa Irunen ortzirale honetan (martxoaren 29an) jasoko du etxean Anaitasuna, euskal derbia jokatzeko
Bidasoa Irun etxera bueltatuko da asteburu...
10 Abu, 2022
Bi atezainak lehen aldiz arituko dira ASOBAL Ligan eta bertan, beraien onena erakusteko aukera edukitzea espero dute
Bidasoak gaur goizeko prentsaurrekoarekin bukatu ditu aurtengo denboraldiko jokalari berrien aurkezpenak. Julen Aginagalderekin batera, bertan izan dira Harbaoui Mehdi eta Jakub Skrzyniarz, talde irundarraren bi atezain berriak. Nahiz eta ASOBAL Liga ezezaguna den bi jokalarientzat, taldearen helburuak betetzeko ilusioz daudela ziurtatu dute.
Julen Aginagaldek eman die oraingoan ongi etorria Frantziatik eta Poloniatik datozen bi atezain berriei, Harbaoui Mehdi eta Jakub Skrzyniarz-i hain zuzen ere. Lehenengoa Sélestat Alsace Handball taldetik dator Irunera eta bigarrena aldiz, Górnik Zabrze taldetik. “Biak atezain gazteak dira, etorkizun handia dutenak. Espero dugu beraien onena ematea hemen eta gurekin lortzea bilatzen duten eboluzio eta hobekuntza hori”, aipatu du Aginagaldek.
Medhik, bere aldetik, Bidasoarekin entrenatzen eman duen lehenengo aste honetan “lan handia” egin duela jakinarazi du, nahiz eta “esperientzia oso ona” izaten ari den berarentzat. “Bidasoara etortzea erabaki nuen klub handi bat delako eta erronka berri bat behar nuelako”, adierazi du atezainak. Aurtengo denboraldiaren ostean, opor gutxi eduki dituela ere azpimarratu du, Mediterranear Jokoetan eta Afrikako Kopan aritu baita Tunisiako selekzioarekin. Hala ere, prest dago Bidasoarekin dena emateko eta nahiz eta ez duen ASOBAL Liga ezagutzen bere helburua “aurreko urtean baino hobeki bukatzea” dela erran du.
Skrzyniarz-en helburua ere “ASOBAL Ligan eta Europako txapelketan taldea ahalik eta gehien laguntzea” izanen dela onartu du. Bere sorterritik atera den lehendabiziko aldia da eta “bere jokoa erakusteko gai” izatea espero du, baita “emaitza onak” lortzea ere. Beste taldeetan aritzeko eskaintzak bazituen ere, Bidasoara etortzea erabaki zuen “Julen Aginagalderekin izandako elkarrizketei esker”, Skrzyniarz-en hitzetan. Poloniako Ligako atezain onena izendatu zuten iaz eta horren inguruan “oso polita” izan zela adierazi du. Hala ere, “orain hemen zentratuta nago. Nire helburu pertsonalak ditut, baita taldekakoak ere eta zaila baldin bada ere, horiek lortzeko lan egingo dut”, argitu du Skrzyniarz-ek.
Bidasoa Irunen ortzirale honetan (martxoaren 29an) jasoko du etxean Anaitasuna, euskal derbia jokatzeko
Bidasoa Irun etxera bueltatuko da asteburu...
Apirilaren 10ean ospatuko dute bi taldeek hirugarren kanporaketa partida bakarrean
Agustinos Alicante izanen da Bidasoa Irunen aurkaria apirilaren 10ean...
Bigarren zatian aukera izan zuen talde horiak puntuak eskuratzeko, baina azkenik gol bakarrarengatik ihes egin zion garaipenak
Bidasoak ezin izan...
Ibilbide berri honetan, CD Bidasoako presidenteak, Gurutz Aginagaldek, bere babesa adierazi nahi izan du eta 2019ko udatik dauden harremanak...
Bidasoa Irunek Viveros Herol BM Nava taldea bisitatuko du larunbatean 21:00etan
Bidasoa Irunek Plenitude ASOBAL Ligari segida emanen dio asteburu...
Irundarrek Balonmano Barakaldo A taldea izan zuten aitzinean finalean, eta 24-23ko markagailuarekin irabazi zuten bizkaitarrek
Euskadiko Jubenil...