Gol bakarrarengatik galdu zuen talde bidasotarrak atzo Puente Genilen

Bidasoak porrota jaso zuen atzo Puente Genilen kontra, Plenitude ASOBAL Ligako lehen itzuliko azken neurketan. Partida oso parekatua jokatu ondotik, andaluziarrak aurretik jarri ziren eta talde irundarrak ezin izan zuen hori berdindu. Azkenean, gol bakarrarengatik irabazi zuten etxekoek, 36-35eko markagailuarekin.

Lehen hamar minutuetan aurretik jarri zen Puente Genil, hiru goleko aldea eskuratuz (6-3). Hala ere, Bidasoak ez zituen besoak jaso eta borrokan jarraitu zuen markagailua iraultzea lortu arte. 1-5eko partziala egin zuten Jacobo Cuetararen mutilek eta horrela, 7-8koa ezarri zuten. Atsedenaldira bitarte, aurretik jarraitu zuen talde irundarrak eta lehen 30 minutuak bukatzerakoan, 16-18ko emaitza zegoen markagailuan.

Bigarren zatiko lehen hamabost minutuetan, Bidasoa nagusi izaten jarraitu zuen, baina Puente Genilek buelta eman zion neurketari eta bi golengatik aurrea hartu zuen (28-26, 15. minutuan). Talde irundarra berdinketaren bila hasi zen eta errenta gol bakarrera murriztea ere lortu zuen, baina ez zen nahikoa izan partida parekatzeko edo honi buelta emateko. Horrela, 36-35ko markagailuarekin bukatu zen neurketa.

Bigarren zatiko lehen hamabost minutuetan, Bidasoa nagusi izaten jarraitu zuen, baina Puente Genilek buelta eman zion neurketari eta bi golengatik aurrea hartu zuen (28-26, 15. minutuan). Talde irundarra berdinketaren bila hasi zen eta errenta gol bakarrera murriztea ere lortu zuen, baina ez zen nahikoa izan partida parekatzeko edo honi buelta emateko. Horrela, 36-35ko markagailuarekin bukatu zen neurketa.

Plenitude ASOBAL Ligako lehen itzulia bukatuta, Bidasoak hurrengo asteartean eginen dio aurreko urteko azken norgehiagokari. Oraingoan Ipar Mazedoniara bidaiatu beharko du taldeak, Pelisterren kontra neurtzeko, iluntzeko 20:45ean.

(Argazkia: Estefania Hernandez)