Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...
15 Mai, 2023
Jacobo Cuetararen taldeak 35-35ko emaitza erdietsi zuen Granollers-en kontrako neurketan
Bidasoak berdinketa erdietsi zuen atzo arratsaldean Granollers taldearen kontra. 35era berdinduta bukatu zuten jardunaldia bi taldeek eta puntu bat batu zuten irundarrek sailkapenera. Orain arte kanpoan jokatutako partidurik onena jokatu zuten Jacobo Cuetararen mutilek, baina Europako helburuengatik oraindik ere borrokatzen segitu beharko dute.
Denboraldiko 27. jardunaldia jokatu zuen atzo arratsaldean Bidasoak Granollers-en kontra. Etxeko taldea agintzen hasi bazen ere, Bidasoak bere alde jarri zuen markagailua lehen ordu laurdenean (9-10). Hala ere, Granollers-ek ez zituen besoak jaso eta emaitza berdintzea lortu zuen minutu batzuk beranduago, 14nakoa ezarriz. Horrek Jacobo Cuetarari lehen hutsartea eskatzera behartu zion eta horrek eragina izan zuen bere taldean, atsedenaldira 17-19koarekin iritsi baitziren.
Bigarren zatian, garaipena posible zela sinetsita atera ziren berriz ere kantxara Bidasoak jokalariak. Joko ona izan zuen talde bisitariak azken ordu erdian eta aitzinetik egon zen denbora aunitzez. Hala ere lehia estua izan zen Granollers-en kantxan eta berdinketa ugari ere egon ziren markagailuan. Bidasoak bere alde zuen emaitza partidua bukatzeko minutu eskas batzuk gelditzen zirenean. Orduan, jokalari bat gutxiagorekin gelditu zen taldea eta horrez gain, baloi bat ere galdu zuen airean uzteagatik. Horrela, etxekoek berdintzea lortu zuten (35-35) eta beraz, puntuak banatu zituzten azkenean.
Bidasoak borrokan segitu beharko du oraindik azken jardunaldietan eta horretarako hurrengo erronka, Cuencaren kontra Artalekun jokatu beharreko partidua izanen da. Heldu den larunbatean (maiatzaren 20an), bien arteko lehia estua bizituko dute zaleek Irunen, 18:30etik aitzinera.
(Argazkia: Xavier Solanas)
Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...
Sanchezi laguntzen, Eñaut Uruñuela egonen da bigarren entrenatzaile moduan eta Yon Gomezek atezainekin eginen du lan
CD Bidasoak eta Hondarribia...
Gorka Nietok, Eneko Furundarenak, Asier Iribarrek eta Julen Mujikak Finlandiaren kontra bi lagunarteko jokatuko dituzte aste honetan
Bidasoa Irungo...
Euskal Herri osotik etorritako sei taldek hartuko dute parte txapelketan
III. San Martzial Senior Nesken Eskubaloi Torneoa ospatuko da bihar, ekainaren...
CD Bidasoak, bi urteren buruan, aukera izanen du bi jokalariak berreskuratzeko
CD Bidasoak jakinarazi duenez, Ohorezko Mailako EON Horneo Alicante...
Barçaren kontra 28-32 galdu ondotik, denboraldia agurtu zuen talde horiak
Bidasoa Irunek ezin izan zuen Barça garaitu Errege Kopako finalerdietan....