Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...
16 Ots, 2023
Jacobo Cuetararen mutilek Plenitude ASOBAL Ligako laugarren talderik onena jasoko dute etxean
Bidasoak hitzordua izanen du bihar Artalekun berriz ere. Torrelavega jaso beharko du talde irundarrak ortzirale honetan, 21:30ean. Neurketa zaila izanen dela aitzindu du Jacobo Cuetara entrenatzaileak eta bere mutilek konfiantza edukitzea beharrezkoa izanen dela puntuak etxean gelditzeko.
“Ligako laugarren talderik onena izanen dugu aitzinean eta hori izanen da gure erronka, hauek gainditu eta postu horretatik kentzea”. Jacobo Cuetarak argi du biharko neurketan egin beharko dutena. Hala ere, praktikan ez dela hain erraza izanen ere onartu du: “Partidu zaila izanen da. Ongi jokatzen ari den taldea da eta potentzial ofentsibo ona duena”.
Lehen itzulian, Bidasoak Torrelavega garaitu zuen bere etxean. Edonola ere, entrenatzaileak jakinarazi du biharko neurketan ez duela deus ikustekorik: “Lehen itzulian dinamika txarrean zegoen taldea, bai jokoan eta baita emaitzetan ere. Orain, guztiz kontrakoa gertatzen zaie”. “Korrika egiten duen taldea da eta osatua dagoena”, Cuetarak argitu duenez. Talde honen berezitasuna “elkarrekin denbora aunitz daramatela da eta fitxaje berriak ere ongi egokitu direla”, prestatzailearen hitzetan.
Garaipena eskuratzeko gakoaz ere aritu da asturiarra: “Etxean lehiakor izaten segitu behar dugu. Guregan konfiantza eduki eta gure maila eman beharko dugu bihar. Garrantzitsuena borrokan segitzea da, lanean segitzea, eta puntuak gehitzen jarraitzea”. Oraindik ere Liga bukatzeko aunitz falta dela ere azpimarratu du Cuetarak eta atzean ez gelditzea garrantzitsua da Bidasoarentzat.
Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...
Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...
Bidasoa Irunek bihar, maiatzaren 3an, bisitatuko du Huesca bere helburuak lortzeko neurketa garrantzitsu bat jokatzeko
Bidasoa Irunek Huesca...