Irun 2029ko Emakumezkoen Munduko Eskubaloi Txapelketaren egoitza izendatu zuten atzo Parisen
Irun 2029ko Emakumezkoen Munduko Eskubaloi...
04 Mai, 2023
Talde irundarrak Romoren kontra jokatu zuen atzo Laudion Euskal Kopako finala
Bidasoak bertze garaipen bat gehitu du bere ibilbide profesionalean, izan ere, Euskal Kopako finala irabazi zuen atzo Laudion, Romoren kontra. Garaipen zabala eskuratu zuen gainera, 35-52ko markagailuarekin, eta horrela, Irungo taldea zortzigarren aldiz jarraian suertatu da garaile txapelketa honetan.
2022ko final berbera errepikatu zen aurten ere. Izan ere, aurrez aurre izan ziren bigarrenez Romo eta Bidasoa Irun. Oraingo honetan Laudio izan zuten eszenatokia eta, lehengo urtean ez bezala, hasieratik nabarmendu zen Jacobo Cuetararen taldea. Gol bateko abantaila lortu zuten partidua hasi eta segidan, eta lau golera ireki zuten errenta hori lehen zatiko erdialdean. Markagailuko tartea poliki-poliki zabaltzen joan ziren irundarrak eta atsedenaldira 19-27ko emaitzarekin iritsi ziren.
Bigarren zatian, oraindik joko hobea kantxaratu zuen Bidasoak. Defentsan zuzen ibili ziren jokalariak, baita kontraerasoan ere, eta hogei goleko abantaila lortu zuen talde bisitariak segidan. Azkenean, 35-52ko markagailuarekin bukatu zen neurketa, tarte zabalarekin eta garaipen sendoa lortuta.
Mikel Zabala, Asier Nieto eta Eneko Furundarena deialditik kanpo gelditu ziren atzo, arazo fisioak direla eta. Hala ere, taldeak maila eman zuen eta zortzigarren aldiz jarraian lortu zuten Euskal Kopako finala irabaztea. Taldeak, guztira, hamabi aldiz eskuratu du Euskal Kopan garaile izatea, 2000. urtean lortutako lehen garaipenaren ondotik. Gainera, atzo, lehenago urtean finalerdian, Hondarribiaren kontra lortutako gol kopuru bera batzea lortu zuen eta horrela, taldeak duen errekorra berdindu zuen.
Bidasoaren hurrengo hitzordua maiatzaren 14ean izanen da. Orduan, Plenitude ASOBAL Ligako azken txanpari hasiera emanen dio taldeak Katalunian, Fraikin Granollers taldearen kontra, 17:00etan.
(Argazkia: CD Bidasoa)
Irun 2029ko Emakumezkoen Munduko Eskubaloi Txapelketaren egoitza izendatu zuten atzo Parisen
Irun 2029ko Emakumezkoen Munduko Eskubaloi...
Blendio Sinfinen kontra 36-24ko emaitzarekin irabazi zuen talde horiak Artalekun
Bidasoa Irunek garaipena eskuratu zuen pasa den larunbatean etxean,...
Aste lanpetu bati bukaera emateko, Bidasoa Irunek Blendio Sinfin taldea jasoko du bihar, apirilaren 13an, Artalekun
Aste gogorra izan du Bidasoa...
Fundacion Agustinos Alicante taldea gainditu zuen atzo talde horiak txapelketako hirugarren kanporaketan
Bidasoa Irun Errege Kopako azken faserako...
Jacobo Cuetararen mutilek 30-30eko markagailua erdietsi zuten beraien aurkari zuzena den taldearen kontra
Bidasoak puntu garrantzitsua eskuratu zuen...
Fundación Agustinos Alicante izanen du aitzinean, azken faserako txartela eskuratzeko helburuan
Bidasoa Irunek, Plenitude ASOBAL Ligako azken...