Bidasoa Irunek Caserio Ciudad Real taldeari 43-28 irabazi dio final laurdenetan
Bidasoa Irunek Errege Kopako finalerdietara sailkatzea lortu du,...
11 Abe, 2019 Irun, Bidasoa, Balonmano, Liga Asobal, Balonmano Sin Fin
Balonmano Logroño La Riojak Granollersen aurka galdutako neurketa baliatu du Bidasoak Asobal Kopan bigarrenez jarraian sartzeko. Irundarrek 35-28 garaitu dute Balonmano Sin Fin taldea.
35 – Bidasoa-Irun (18+17): Rangel, Crowley (2), Kauldi (4, 2 p.), Serrano (3), De la Salud (1 p.), Rodrigo Salinas (5), Seri (4); Ledo, Cavero (3), Orbović, Zabala (3), Esteban Salinas (4), Renaud-David (4), Azkue (2 p.), Tesoriere eta Da Silva.
28 – Liberbank Cantabria Sinfín (12+16): Mijuskovic, Blázquez, Lastra (1), Basualdo, Zungri, Valles (8, 2 p.), Dimitrievski (1); Marín, Muñiz, Valverde, Torriko (9), Postigo (1), Da Silva, Herrero Lon (6) eta Iglesias (2).
Bidasoak Asobal Ligako lehen itzulia modu ezinhobean bukatu du, Balonmano Logroñol azken jardunaldian galdu eta gero, gaurko garaipenaren bidez Asobal Kopan sartzeko txarteltxoa lortu du eta beraz, larunbatean Valladoliden izango da txapelketa eskuratzeko helburuan. Atletico Recoletas Valladoliden aurka jokatuko du talde irundarrak eta irabaztekotan, igandean Bartzelonaren aurka finala jokatuko dutela aurreikusten da. Balonmano Sin Fin 35-28 garaituta, Asobal Ligako lehen itzula 24 punturekin sailkapeneko hirugarren bezala bukatu du Bidasoak eta otsailean, selekzioen txapelketaren ondoren, Artelekura indar berrituta bueltatuko dira.
Neurketaren lehen minutuetan Bidasoak argi utzi du Asobal Kopako txartela nahi zuela eta bostgarren minuturako, Seri, Serrano, Kauldi Odriozola eta Esteban Salinasek 4-1ekoa ezarri dute. Hortik aurrera, bi taldeak kolpeka hasi ziren golak sartzen, baina beti ere, Bidasoak bi eta hiru golen abantaila mantendu du. Lehen zatiko azken minutuetan ordea, Rangelen atea sei minututan golik jaso gabe egon da eta horrek atsedenaldira 18-12ko abantailarekin iristea ahalbidetu du.
Bigarren zatia bide beretik garatu da. Lehen zatiko abantaila defentsako lan bikain baten bidez mantendu dute Jacobo Cuetararen jokalariek eta talde kantabriarraren markagailuan hurbiltzeko saiakerak ondo aldendu ditu. Baina, Sin Fin oso talde gogorra da eta nekez ematen du amore, hiru goletara hurbildu ziren markagailuan eta Bidasoak urduritasun puntu bat izan du bigarren zatiko azken partean. Hala ere, lehen zatian bezala, azken minutuetan Bidasoak defentsa gogortu du eta kanpoko taldeak bost minutu golik erdietsi gabe egon da eta azkenean, 35-28koarekin bukatu da neurketa.
Bidasoa Irunek Caserio Ciudad Real taldeari 43-28 irabazi dio final laurdenetan
Bidasoa Irunek Errege Kopako finalerdietara sailkatzea lortu du,...
Bidasoa Irunek Errege Kopako Azken Fasea jokatuko du asteburuan, denboraldiari bukaera emateko
Bidasoa Irunek Errege Kopako Azken Fasea jokatuko du...
Cuencak 29-26ko markagailuarekin irabaztea irabazi zion talde horiari, Plenitude ASOBAL Ligan segitzeko helburua lortuz
Bidasoa Irunek galdu egin...
Kadete mailako gizonezkoak Kantabrian egonen dira asteburuan B multzoan Sektore Fasea jokatzen
Zaisa Bidasoa Irun, Bidasoako kadete mailako gizonezkoak,...
Bidasoa Irunek Plenitude ASOBAL Ligako azken jardunaldia jokatuko du, Cuencaren kontra eta matematikoki txapeldunordetza lortuta
Plenitude ASOBAL...
Puerto Saguntoren kontra irabazita, talde irundarrak matematikoki lortu du bigarren postuan sailkatzea, baita Europako txapelketarako sarbidea...