Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...
20 Urr, 2021
Atsedenaldira 12-12 berdinketarik iritsi ziren bi taldeak, baina Tatran Presoven hasierako 4-0 partziala erabakigarria izan da neurketa amaieran.
Honako hau da EHF European Leaguea, taldeek ez dituzte akatsak bakartzen. C.D. Bidasoa Irunek neurketa serioa jokatu zuen Eslovaquian Tatran Presoven aurka, atsedenaldira 12-12 iritsi dira, baina bigarren zatiko hasierak irundarren lanak zaildu ditu. 4-0 partziala lortu du etxeko taldeak (16-12), C.D. Bidasoa Irunek bederatzi minutu eman ditu golik egin gabe, eta nahiz eta neurketa amaieran gol bakarrera hurbildu eta berdintzeko aukerak izan, Jacobo Cuetararen taldea ez da markagailua iraultzeko gai izan (27-25).
EHF European Leagueko A multzoko lehen norgehiagokako lehen minutuak era onean hasi ditu C.D. Bidasoa Irunek. Neurketa gobernatzen hasi zen eta bost aldiz erdietsi zuen bi golen aldeko errenta. Lehen minutu horietan, Julen Aginagalde hiru gole egin dituelarik izan da talde irundarraren golegile nagusia. Halere, ezin izan du bi goleko aldea areagotu eta Tatran Presov markagailuan hurbiltzen joan da, markagailuan aurretik jarri diren arte (10-9, 26’). C.D. Bidasoa Irunek bere lanarekin segitu du eta bi irundarren eskutik, Ander Ugartek eta Iñaki Caverok egin dituzte golak, 10-11 ezarri dute markagailuan. Bazirudien Jacobo Cuetararen taldea atsedenaldira markagailuan aurretik joango zela, baina Thomas Recicarrek erdietsitako golak ahalbidetu zuen bi taldeak 12-12 berdinketarekin aldagelen bidea hartzea.
Presov abiadan irten da aldageletatik; C.D. Bidasoa Irunek, aldiz, maldan gora. 4-0 partziala lortu du etxeko taldeak (16-12) eta Bidasoak bederatzi minutu eman ditu golik egin gabe, minutu gehiegi Europan lehiatzeko (18-13, 39’). Jacobo Cuetarak hutsartea eskatu du, C.D. Bidasoa Irun beste jarrera batekin itzuli da kantxara eta minutuak aurrera egin ahala, aldea jaten hasi dio Tatran Presovi. Gol bakar batera ere hurbildu zen talde irundarra (20-19, 50’), baina ez zen guztiz gai izan berdinketa gauzatzeko. Lau aukera izan ditu horretarako, nekeak eta aurretik eginiko esfortzuak erasoan zuzentasuna ez izatea erakarri du eta Oliver Rebec arduratu da neurketa erabakitzeaz (27-25).
Fitxa teknikoa
27 - Tatran Prešov (12+15): Santos, Pacheco (5, 2 p.), Linhares (4), Kasatkin (1), Michalka (1), Caballero (5, 1 p.); Leben, Rábek (3, 2 pen.), Fech (1), Recicar (1), Kiril Radcenko, Alexandr Radcenko, Kravcak, López (6, 3 p.), Kuran.
25 - Bidasoa Irun (12+13): Ledo (1), Cavero (2), Zabala (1), Aginagalde (5), Salinas (2), Tesoriere, Francisco da Silva; Sierra, Ugarte (3), Santano, Odriozola (2), Renaud-David (3), Azkue (1), Nieto, Rodríguez (2), Fernández (3, 1 p.).
Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...
Sanchezi laguntzen, Eñaut Uruñuela egonen da bigarren entrenatzaile moduan eta Yon Gomezek atezainekin eginen du lan
CD Bidasoak eta Hondarribia...
Gorka Nietok, Eneko Furundarenak, Asier Iribarrek eta Julen Mujikak Finlandiaren kontra bi lagunarteko jokatuko dituzte aste honetan
Bidasoa Irungo...
Euskal Herri osotik etorritako sei taldek hartuko dute parte txapelketan
III. San Martzial Senior Nesken Eskubaloi Torneoa ospatuko da bihar, ekainaren...
CD Bidasoak, bi urteren buruan, aukera izanen du bi jokalariak berreskuratzeko
CD Bidasoak jakinarazi duenez, Ohorezko Mailako EON Horneo Alicante...
Barçaren kontra 28-32 galdu ondotik, denboraldia agurtu zuen talde horiak
Bidasoa Irunek ezin izan zuen Barça garaitu Errege Kopako finalerdietan....