Irabazi gabeko hiru partidako segidaren ondoren, garaipen handia lortu du Real Unionek. Sendo zebilen Athletic B menderatu du Stadium Galen, nagusitasunez. Euriak eta berdegunearen egoerak baldintzatutako lehia izan da, eta txuribeltzak hobeto egokitu dira baldintzetara. Hasi bezain pronto sartu du lehen gola Eizmendik, 4.minutuan. 45.ean, atsedenaldiaren atarian, lasaitasuna eman dio Urkizuk etxeko taldeari, bigarren golarekin. Eta aldagelatik bueltatu bezain pronto, hain zuzen ere, Galánek norgehiagoka erabaki du, 52.minutuan. Partida erosoa izan da, beraz, Asier Santanaren taldearentzat. Markagailua apaintzea besterik ez du lortu Bilbao Athleticek, neurketa amaitzear zela.