Puerto Saguntoren kontra irabazita, talde irundarrak matematikoki lortu du bigarren postuan sailkatzea, baita Europako txapelketarako sarbidea...
01 Api, 2022
C.D. Bidasoa eta BM Logroño elkarren aurka arituko dira bihar eguerdiko 12etan
Asobal Ligako 22. jardunaldia jokatuko dute bihar Bidasoak eta Logroñok Palacio de los Deportes La Rioja kantxan, eguerdiko 12etan. Hitzordu garrantzitsua izango da hau irundarrentzat, izan ere, momentu honetan beraien aurkari zuzenak dira errioxarrak eta bi taldeen arteko aldea handitzeko borrokan aritu beharko dira bidasotarrak.
Jacobo Cuetarak Artalekun ospatutako prentsaurrekoan aipatu duen moduan, “Ligako arerio zailenetako baten aurka lehiatuko gara eta badakigu partidua zaila izango dela”. Neurketa honetan, Bidasoaren helburua sailkapenean puntuak gehitzea izango da, “Granollersen puntu berberak edo gehiago lortzeko”, Cuetarak esan duenez. Izan ere, Logroño laugarren postuan dago kokatuta, irundarrek baino lau puntu gutxiagorekin. Beraz, garaipena eskuratuta, bi taldeen arteko aldea handitu eta Bidasoak bigarren sailkatua den Granollers ere gainditu dezake.
Biharko neurketan aurkaria gainditzeko taldeak egin behar duenaz ere aritu dira Bidasoako bi entrenatzaileak. “Ateak garrantzitsuak izango dira, eta batez ere, gure defentsa eta haien eraso eta kontraerasoaren arteko borroka izango da gakoa”, adierazi du Cuetarak. Borja Burguete bigarren entrenatzaileak ere onartu du Logroñoren kontraerasoan jarri beharko dutela arreta: “Etxeko partiduan hamasei gol sartu zizkiguten kontraerasoz eta hori aldatu beharko dugu”. Azkenean, Burguetek “akats gutxien egiten duten taldeak irabaziko du”, azpimarratu du.
Hala eta guztiz ere, astean zehar taldeak lan ona egin duela ere goraipatu du bigarren prestatzaileak, eta horrek lasaitu egiten dituela: “Taldea oso ondo dago eta oso ondo ari da. Partiduek zailtasunak dituzte, baina entrenatzen ongi ari dira eta lasai goaz”. EHF Ligako bi neurketa gogorren artean kokatzen da biharko neurketa, baina Julen Mujika jokalari gazteak nekatuak badaude ere, “nekeak ez digula asko eragiten ikusi dugu eta denarekin joan beharko gara, beti bezala”, jakinarazi du.
(Argazkia: Eduardo Agreda)
Puerto Saguntoren kontra irabazita, talde irundarrak matematikoki lortu du bigarren postuan sailkatzea, baita Europako txapelketarako sarbidea...
Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...
Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...