BOST URTEREN OSTEAN, ILCAPO HONDARRIBIA LEHEN MAILA NAZIONALERA BUELTATU DA
Eskubaloia

BOST URTEREN OSTEAN, ILCAPO HONDARRIBIA LEHEN MAILA NAZIONALERA BUELTATU DA

BM Castellon, Utebo eta Leganes garaitu ditu Bidasoaren harrobiko taldeak eta denboraldi hasieran ezarritako helburua bete du. Talde bidasotarrak neurketa bakar bat ere galdu gabe eman dio amaiera denboraldiari.

Aitor Etxaburuk zuzentzen duen taldea jaun eta jabe izan da Leganesen jokatu zen Lehen Maila Nazionalerako igoera fasean. Denboraldi osoan zehar, nagusitasuna erakutsi dute jokatu duten aurkari guztien aurka. Lehen neurketan, Muskizen aurka 25-25 berdintzeaz gain, gainontzeko neurketak irabazi dituzte. Klubarentzat garrantzi handia zuen igoera materializatu dute, baita denboraldi hasieran zuten helburua bete ere. Ez BM Castellon, ez Utebo eta ezta etxean jokatzen zuen Leganes ere, ez dira gai izan Ilcapo Hondarribia estutasunetan jartzeko. Bost urte eta gero, talde bidasotarra Lehen Maila Nazionalera bueltatu da.

Ilcapo Hondarribiako jokalariek ostiralean ekin zioten igoera faseari eta 17 goleko aldearengatik mendean hartu zuten Valentziako Txapelduna den BM Castellon (37-20). Lehen neurketan, Tao Gay-Emaparan eta Raul Olalla izan ziren golegile nagusiak (5 gol egin zituzten), Mikel Galanek eta Hugo Martiarenak gauzatutako lau golak ere oso lagungarriak izan zitzaien.

Larunbatean, bigarren neurketaren txanda izan zen, Aragoiko Utebo taldearen aurka jokatzeko unea. Lehen neurketan erasoko lana azpimarratzekoa izan bazen, bigarren partidu honetan defentsa izan zen erabakigarria. Aragoiko txapeldunak hobe ekin zion neurketari eta 3-5 aurreratu ziren markagailuan. Aitor Etxaburuk hutsartea eskatu zuen, jokalariak kokatu eta neurketa hankaz gora jarriko zuen partziala erdietsi zuten. Markagailua 14-5 irauli zuen Ilcapo Hondarribiak eta atsedenaldira 16-6 aldeko markagailuarekin heldu zen. Erosoa baino gehiago zen aldea ondo kudeatu zuen eta 28-17 bukatu zen neurketa. Berriro ere, neurketan bost gol lortu zituelarik, Raul Olalla izan zen jokalari baliotsuena; honi jarraiki, Hugo Martiarenak, Gorka Nietok, Mikel Galanek eta Asier Satrustegik lau aldiz asmatu zuten ate aurrean.

Azken neurketa jokatu behar zuen Ilcapo Hondarribiak, bi neurketak irabazi zituen eta etxean jokatzen zuen Leganesen aurka. Norgehiagoka bereganatzen zuenak eskuratuko zuen Lehen Maila Nazionalerako igoera, talde hori bidasotarra izan zen. Hasierako 2-2 berdinketa hautsi ondoren, Aitor Etxabururen taldeak bost goleko errenta eskuratu zuen atsedenaldira 8-13 alde emaitzarekin iristeko. Lehen zatian, Joseba Zabala atezainak egin zuen lana aipagarria izan zen, lau gelditu jarraian egin zituen Ilcapo Hondarribia bost goleko aldera hauspotzeko. Atsedenalditik bueltan, bikain jakin zuten aldea kudeatzen eta igoera emango zien garaipena erdietsi zuten (19-30). Tao Gay-Emparanek, Gorka Nietok eta Mikel Galanek garaipenaren bidea 5 golekin erraztu zuten, Eneko Furundarenak ere lau gol gauzatu zituelarik paper garrantzitsua jokatu zuen hirugarren eta azken neurketa erabakigarrian. 

Neurketa bukatuta, ospakizunetarako unea iritsi zen. Ilcapo Hondarribiako jokalariek gogotik kantatu eta garrasi egin zuten Manuel Cadenas kiroldegiko pistan, jabedun ziren Bidasoarentzat oso garrantzitsua zen lorpena egikaritu zutela. Talde irundarraren harrobia garatzeko ezinbestean lortu beharreko plaza zen Lehen Maila Nazionalekoa; orain, zailena egokitzen zaie: Lehen Maila Nazionalerako txapelketa prestatu eta mantentzea.

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”
Eskubaloia

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”

Bidasoa Irunen ortzirale honetan (martxoaren 29an) jasoko du etxean Anaitasuna, euskal derbia jokatzeko

Bidasoa Irun etxera bueltatuko da asteburu...

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN
Eskubaloia

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN

Apirilaren 10ean ospatuko dute bi taldeek hirugarren kanporaketa partida bakarrean

Agustinos Alicante izanen da Bidasoa Irunen aurkaria apirilaren 10ean...

BIDASOAK PORROTA JASO ZUEN NAVAN
Eskubaloia

BIDASOAK PORROTA JASO ZUEN NAVAN

Bigarren zatian aukera izan zuen talde horiak puntuak eskuratzeko, baina azkenik gol bakarrarengatik ihes egin zion garaipenak

Bidasoak ezin izan...

HONDARRIBIA ESKUBALOIAK BERE ZUZENDARITZA BATZORDEA BERRITU DU
Eskubaloia

HONDARRIBIA ESKUBALOIAK BERE ZUZENDARITZA BATZORDEA BERRITU DU

Ibilbide berri honetan, CD Bidasoako presidenteak, Gurutz Aginagaldek, bere babesa adierazi nahi izan du eta 2019ko udatik dauden harremanak...

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”
Eskubaloia

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”

Bidasoa Irunek Viveros Herol BM Nava taldea bisitatuko du larunbatean 21:00etan

Bidasoa Irunek Plenitude ASOBAL Ligari segida emanen dio asteburu...

BM BIDASOA IRUN EUSKADIKO JUBENIL TXAPELKETAKO TXAPELDUNORDE
Eskubaloia

BM BIDASOA IRUN EUSKADIKO JUBENIL TXAPELKETAKO TXAPELDUNORDE

Irundarrek Balonmano Barakaldo A taldea izan zuten aitzinean finalean, eta 24-23ko markagailuarekin irabazi zuten bizkaitarrek

Euskadiko Jubenil...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika