CALAHORRAK REAL UNION MENDERATU ZUEN STADIUM GALEN
Futbola

CALAHORRAK REAL UNION MENDERATU ZUEN STADIUM GALEN

Atzo eguerdian jokatutako partidan Real Unionek 0-2 galdu zuen Calahorra taldearen aurrean

Real Unionek atzo Stadium Galen jaso zuen Calahorra, denboraldiko 26. jardunaldia jokatzeko asmoarekin. Etxekoek ez zuten neurketa bere alde izan eta azkenean, 0-2ko markagailuarekin galdu egin zuten errioxarren aurrean. Honekin, sailkapeneko seigarren postuan kokatu dira txuribeltzak, 43 punturekin guztira.

Neurketa hasi eta segidan eskuratu zuen Calahorrako taldeak lehen gola. 16. minutuan, hain zuzen ere, Aguadok buruz sartu zuen baloia sarera eta 0-1ekoa jarri zuen markagailuan. Hamar minutu beranduago, Real Unionen abagunea iritsi zen, Gexan Elosegik egindako erdiraketa Nacho Sanchez saiatu baitzen buruz errematatzen, baina ez zuen asmatu. 33. minutuan berriz, aurkariek bigarren gola lortu zuten, oraingoan Alex Ariasek sartutakoa. Horrela, bi taldeek 0-2koarekin eman zioten hasiera atsedenaldiari.

Bigarren zatian, etxeko taldeak hiru aukera garbi izan zituen, baina hauetan ere ez zuen zorterik izan. Gainera, Calahorrak defentsa lan ona egin zuen, batez ere, Iricibar atezainak egin zuen geldiketekin eta horrek ere ahalbidetu zuen aurkariek markagailua bere alde mantentzea. Horrela, 90. minutua iritsi zen eta Real Unionek ezin izan zituen hiru puntuak Galen utzi.

Aitor Zulaikak neurketaren ondoren aipatu zuen moduan, “Calahorrak irabazten jakin du, batez ere 0-2koarekin jarri denen. Ordu arte, guk oparitu ditugu bi gol horiek. Gaurko kasuan, beraien meritua baino, gure demeritua da gehiago. Hortik aurrera, Calahorrak jolastu du, eroso egon da eta guk, erremate falta horrekin, partiduan sartzeko aukera galdu dugu”.

Irazusta atezain txuribeltzak ere aurkariaren lana goraipatu zuen: “Beraiei partidu plana perfektu atera zaie. Guri baloiarekin pisua eramaten utzi digute, eta jokaldi batean gola sartzera etorri eta asmatu dute. Oso ondo kudeatu dute errenta hori. Guk aukerak egin ditugu, baina beraien atezaina izan da partiduko onena”. Gainera, Real Unionek hobetu beharreko zenbait mugimendu dituela ere aipatu zuen: “Hobetu behar dugu, baloi geldi jokaldietan eta partidu sarreretan. Pausu bat eman behar dugu alor horietan”.

Azkenik, Real Unioneko jokalari ohi Jon Madrazo pozik azaldu zen bere taldeak lortutako garaipenarekin, nahiz eta “oso partidu gogorra” jokatu zutela ere onartu zuen. “Bagenekien baloiaren kontrol gehiago izango zutela, baina gero jokaldi pare batean gola sartu dugu. Guretzat 40 puntu izatea izugarria da eta pozik gaude”, amaitu zuen.

(Argazkia: Fernando Vergara)

REAL UNION ROCAK PUNTU BAT GEHITU ZUEN SAILKAPENEAN
Futbola

REAL UNION ROCAK PUNTU BAT GEHITU ZUEN SAILKAPENEAN

Amaikak Bat taldearen kontrako partidua banako markagailuarekin bukatu zen, Mario Capeletek penaltiz sartutako golari esker

Real Unión Roca:...

REAL UNIONEK PUNTU BAT EKARRI ZUEN LAS GAUNAS ZELAITIK
Futbola

REAL UNIONEK PUNTU BAT EKARRI ZUEN LAS GAUNAS ZELAITIK

Solísen eskutik ailegatu zen txuribeltzek markagailuan berdintzeko baliatu zuten gola

Real Unionek banako markagailua erdietsi zuen pasa den...

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”
Futbola

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”

Real Unionek SD Logroñes bisitatuko du Las Gaunas zelaian bihar, martxoaren 23an, 16:00etan

Real Unionek SD Logroñes bisitatuko du larunbat...

REAL UNION ROCAK PUNTU BAT EKARRI ZUEN MINTXETATIK
Futbola

REAL UNION ROCAK PUNTU BAT EKARRI ZUEN MINTXETATIK

Binako markagailua erdietsi zuen Carlos Garciaren taldeak azken minutuan Elgoibarren kontra

CD Elgoibar: Mosquera; Moya, Barrenechea,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika