08 Aza, 2015
Carles Castillejo kataluniarra izan da azkarrena 2015eko Behobia-Donostian. Lehen aldiz parte hartu duen arren, jaun eta jabe izan da. Gaintxurizketan gora gelditu da bakarrik, eta marka ona egin du amaieran, beroa eta haizea kontuan hartuta (1:01). Jaume Leiva izan da bigarren, eta Jose Carlos Hernandez hirugarren. Emakumezkoetan, Raquel Gomezek irabazi du lasterketa. 1:13ko denbora behar izan du ibilbide gogorra osatzeko. Elbarrien artean, Joel Jeannot izan da azkarrena (33.16), eta Alberto Aleman patinatzaileei dagokienez (37:07). Guztira, 28.262 parte hartzaile izan dira irteeran.
Hildako bat izan da lasterketan
Korrikalari bat hil da Behobia-Donostia lasterketan. 31 urteko nafarra zen, gizonezkoa. Beste zenbait korrikalari eraman behar izan dituzte ospitalera, beroaren eraginez, batez ere. Beste gizonezko bat hil da Behobia-Donostiako irteeratik hurbil. Irteerako Gurutze Gorriak artatu du, baina ez zuen harremanik lasterketarekin.
Gipuzkoako Absolutu Txapelketa ospatu zen Donostian ekainaren 8an eta 9an eta Bidasoa Atletiko Taldekoek urrezko bortz domina irabazi...
Bidasoa Atletiko Taldeak antolatua, kirola eta jolasen bitartez ongi pasatzea izanen da udalekuen helburu nagusia
2024ko uda ailegatzear dago eta...