Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
31 Urt, 2022
Atzo eguerdian jaso zuen Bidasoa Klubak Sabino Arana saria Bilboko Arriaga antzokian ospatu zen ekitaldian
Sabino Arana Fundazioak, aurtengo XXXIII. edizioan, C.D. Bidasoari eman dio kirolaren saria, kluba sortu zenetik egindako ibilbidea goraipatzeko eta lortutako guztia omentzeko asmoarekin. Atzo banatu zituzten sariak Bilboko Arriaga Antzokian, eguerdiko 12etan, antolatutako ekitaldian, eta bertan izan ziren Gurutz Aginagalde, Bidasoako presidentea, eta Julen Aginagalde eta Jon Azkue jokalariak.
Gurutz Aginagaldek, saria jasotzerakoan egin zuen hitzaldi laburrean eskerrak emateaz gain, gogora ekarri zituen klubaren sortzetik orain arte Bidasoarengatik lan egin duten pertsona guztiak: “Jose Miguel Arana sortzailetik hasita, gaur egungo estruktura osatzen duten pertsona guztietara iritsi arte. Garai loriatsuen lemazain izan ziren Beñardo Garcia ohorezko presidente eta Juantxo Villarreal entrenatzaile gogoan hartuta, baina baita lema horri ekaitzaren erdian eutsi zion Jose Angel Sodupe buru zuen giza-talderaino”. Izan ere, guzti hauei esker, Bidasoa "gure kirolaren klub historiko bihurtu da, Europako Txapeldunen Liga irabazi duten 15 taldeetako bat”, gaineratu zuen Aginagaldek.
Gaur egun ere, klubak bizirik jarraitzen duela azpimarratu zuen: “Katea ez da eten eta gero eta sendoago dago. Gipuzkoako, Bizkaiko, Arabako eta Iparraldeko jokalariak ditugu gure harrobian lanean eta gure lehen taldeak berriz ere herri honen izena Europan barrena darama”.
Azkenik, saria “momentu gozo batean” iristen dela aitortu zuen, eta oso pozik jaso dutela klubaren sei hamarkadako ibilbideari egiten zaion aitortza hau: “Oso pozik gaude, harro, sari oso prestigiotsua da. 60 urte hauetan gorabeherak izan dira, momentu onak eta ez hain onak, baina gaur egun Bidasoa dagoen lekuan egoteko, momentu guzti horiek pasatu behar izan ditugu eta azkenean denak gara horren parte. Guztiok lan egin behar dugu momentu onetan eta txarretan honaraino iristeko. Orain ilusioz gaude etorkizunari begira, lan egiteko gogoz”.
Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...
Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...