DAVID MOVILLA: `BIHAR EGUN BEREZIA IZANGO DA DERBIAK GURE ZALEENGAN SORRARAZTEN DUENAGATIK´
Futbola

DAVID MOVILLA: `BIHAR EGUN BEREZIA IZANGO DA DERBIAK GURE ZALEENGAN SORRARAZTEN DUENAGATIK´

Real Unionek Sanse bisitatuko du bihar Reale Arenan, bi taldeen arteko derbia jokatzeko

Sanse eta Real Union aurrez aurre izanen dira bihar Reale Arena zelaian. Derbia jokatuko dute bi talde gipuzkoarrek eta bi entrenatzaileek aitzindu duten moduan, neurketa berezia izanen da, bai taldeentzat baita bi aldeko zaleentzat ere. Hitzordua 19:00etan izanen da.

David Movillak bihar partidua berezia izanen dela onartu du gaurko goizeko prentsaurrekoan: “Bihar egun berezia izanen da, Reale Arenan bizitzen den giroagatik, derbiagatik eta honek gure zaleengan sorrarazten duenagatik”. Atzo izan ziren berdegunean bi taldeko entrenatzaileak eta Movillak, irriz, jakinarazi du “hamaikakoa jakiten saiatu” zela, baina lortu ezinik itzuli zela Irunera. Txantxak alde batera utzita, entrenatzaile txuribeltzak bere aurkaria goraipatu du neurketaren atarikoan: “Tipo ona da, iragan unionistarekin eta teknikari ona da, lan oso ona egiten ari da”.

Zelaiaren inguruan, “indarra duen eskenatoki” bat dela aipatu du prestatzaileak. “Hutsik dagoenean ere, bertan energia berezia sentitzen da. Zelai historiko bat da eta neurketa hau jokatzeko oso polita, zalantzarik gabe”, erran du. Berdegunea baldintza bat izanen dela ere onartu du Movillak, baina hala ere “egokitu beharko” direla: “Gu lehiatzera aterako gara eta marra zurien barrenean gertatzen denari erreparatuko diogu soilik”.

Aurkaria lehen taldeko bajengatik baldintzatuta dago, eta aldez aurretik “ahulduta dagoen talde bat badirudi ere, 15 jardunaldietatik bakarra galdu dute” eta horrek harrobiko jokalarien mailaz asko erraten duela argitu du entrenatzaileak. Taldea, klubeko bertze guztiak bezala, “ongi optimizatua dagoen taldea da” eta “indibidualki duten potentziala taldean agerian uzten dute”.

Partidua irabazteko gakoa “baloiarekin edo baloirik gabe protagonista izatea” da, Movillaren hitzetan. Noski, Erreala gehiago da baloia duenean eta hori sahiestu beharko dute txuribeltzek. Hala ere, zaila izanen da eta baloia dutenetan ere lana egin beharko du Real Unionek horri aurre egiteko eta joku horretara egokitzeko. Horrez gain, “errendimendu ona eman beharko dugu zelaian, erregulartasuna bilatu eta puntuak gehitu”, prestatzaileak azpimarratu duen moduan. Hori izanen da garantzitsuena denboraldi bukaerara begira, puntuak gehitu eta sailkapenean postu eroso bat lortzea.

REAL UNION ROCAK PUNTU BAT GEHITU ZUEN SAILKAPENEAN
Futbola

REAL UNION ROCAK PUNTU BAT GEHITU ZUEN SAILKAPENEAN

Amaikak Bat taldearen kontrako partidua banako markagailuarekin bukatu zen, Mario Capeletek penaltiz sartutako golari esker

Real Unión Roca:...

REAL UNIONEK PUNTU BAT EKARRI ZUEN LAS GAUNAS ZELAITIK
Futbola

REAL UNIONEK PUNTU BAT EKARRI ZUEN LAS GAUNAS ZELAITIK

Solísen eskutik ailegatu zen txuribeltzek markagailuan berdintzeko baliatu zuten gola

Real Unionek banako markagailua erdietsi zuen pasa den...

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”
Futbola

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”

Real Unionek SD Logroñes bisitatuko du Las Gaunas zelaian bihar, martxoaren 23an, 16:00etan

Real Unionek SD Logroñes bisitatuko du larunbat...

REAL UNION ROCAK PUNTU BAT EKARRI ZUEN MINTXETATIK
Futbola

REAL UNION ROCAK PUNTU BAT EKARRI ZUEN MINTXETATIK

Binako markagailua erdietsi zuen Carlos Garciaren taldeak azken minutuan Elgoibarren kontra

CD Elgoibar: Mosquera; Moya, Barrenechea,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika