Letamendiak penaltiz sartutako golari esker jardunaldiko hiru puntuak etxean gelditu ziren
Real Unión Roca: Rodríguez; Arteaga (Fernández,...
06 Abe, 2022
Atzo arratsaldean zuzendu zuen lehen entrenamendua, Borja Agirretxu bigarren prestatzailearekin batera
Real Uniongo lehen taldeak entrenatzailea berria du dagoeneko. Aitor Zulaika kanporatua izan ondotik, David Movillak zuzenduko ditu txuribeltzak hemendik aitzinera. Atzo arratsaldean izan zuen lehen lan eguna eta bere ondoan Borja Agirretxu bigarren prestatzailea eduki zuen.
David Movilla barakaldoarra da Aitor Zulaika ordezkatuko duena Real Uniongo lehen taldeko entrenatzaile gisa. Bizkaitarrak 23 urte daramatza prestatzaile lanetan, 1999. urtean Romo CFko Kadete taldea gidatzen hasi zenetik. Bi urte geroago, Santurtziko Peña Athletic-eko Kadeteak zuzendu zituen eta, denboraldi hartan, taldea Euskal Ligara igotzea lortu zuen. Arenas Club-eko Jubenilen B taldearekin ere Euskal Ligarako igoera bizitu zuen Movillak. Talde hau gidatzetik, klub bereko Hirugarren Mailako taldearekin lan egitera pasatu zen eta hau jeitsiera postuetatik aldentzea lortu zuen, denboraldi horretan salbazioa eskuratuz.
2006. urtean, SD Leioatik deitu zuten bizkaitarra eta Erregional mailan zegoen taldea, Bigarren B mailara igo zuen. Hemen bederatzi denboraldi lanean ibili ondotik, Barakaldo CFra joan zen eta, lehen urtean, taldeak Bigarren A mailara igotzeko play-offa jokatzea ahalbidetu zuen. 2018an berriz, Zamora CF klubean ibili zen eta bertan zela ere, Hirugarren Mailako taldeak Bigarren B mailarako igoera lortu zuen, Bigarren A mailara pasatzeko play-offa ere jokatuz.
Ibilbide luze eta oparo honekin iritsi da beraz, David Movilla Real Unionera. Astelehen arratsaldean bertan jarri zen lanean eta orduan zuzendu zuen bere lehen entrenamendua. Ortzegun honetan berriz, lehen neurketa bizituko du talde txuribeltzeko entrenatzaile moduan. Izan ere, Real Unionek CE Sabadell taldearen kontra jokatuko du hurrengo jardunaldia, Nova Creu Alta zelaian.
Letamendiak penaltiz sartutako golari esker jardunaldiko hiru puntuak etxean gelditu ziren
Real Unión Roca: Rodríguez; Arteaga (Fernández,...
Unionistas de Salamanca garaitu zuten etxean eta jeitsiera postuetatik aldentzen hasiak dira txuribeltzak
Real Unionek garaipen garrantitzusa lortu...
Real Unionek Unionistas de Salamanca jasoko du igandean, apirilaren 21ean, Galen 18:00etan
Real Unionek final baten moduko bertze partidu bat jokatu...
1-3ko markagailuarekin txuribeltzek garaipena eskuratu zuten Garmendipen, Lagun Onak B taldearen kontra
CD Lagun Onak B: Madrazo; Arizmendi,...