Ur lasaietan, ur bizietan eta arraunean izanen dira ikastaroak
Santiagotarrak klubak ere udako ikastaroak eskainiko ditu ekaina bukaeratik iraila...
22 Abu, 2023
Hondarribitarrek bostgarren postuan bukatu dute urtea, lehen maila mantentzeko helburua beteta
Zarautzen ospatu den Euskotren Ligako azken jardunaldia. Bi egunetan banatutako azken estropada, Donostia Arraun Lagunak traineruak irabazi zuen eta beraz, bere lidergotza sendotuta, bertako arraunlariak izan dira Ligako garaileak. Hondarribitarrak bostgarren postuak sailkatu dira aurten, lehen maila mantentzeko helburua bete ondotik.
Pasa den asteburuan eman zitzaion bukaera Euskotren Ligako denboraldiari. Uda borobila beteta, eta Zarautzko azken estropada ere irabazita, Donostia Arraun Lagunak irabazi du Liga 95 puntu batuta guztira. Bigarren Orio izan da, 86 punturekin, eta hirugarren postuan Donostiarra sailkatu da, 79 punturekin. Hondarribitarrak berriz, bostgarren postua eskuratu dute, 54 puntu gehituta sailkapenean. Banderarik irabazi ez badute ere, urteko helburu nagusia lortu dute Hondarribiako emakumeek. Lehen maila mantentzea zen begiz jota zuten lorpena eta horrela egin dute. Horrez gain, Miren Garmendiak, traineruko patroiak, lan horretan hoberena izatearen saria irabazi du ia-ia. Azken jardunaldira arte bera izan zen sailkapen horren liderra, nahiz eta azkenean Donostia Arraun Lagunakeko Nerea Perezek eraman duen saria, Garmendiarekin puntuetara berdinduta (69), baina Ligako irabazlea izanda.
Lehen helburua lortuta, orain Kontxarako sailkapenerako prestaketak hasi dituzte emakumeek. Abuztuaren 31n ospatuko dira sailkatze estropadak, 17:30etik aitzinera.
Euskolabel Ligan Urdaibai sendo
Euskolabel Ligako gizonek ere Zarautzen jokatu zuten pasa den asteburuko estropada. Bertan, Urdaibaiek bere nagusitasuna sendotu zuen eta lidergotzan bertze aurrerapausu bat eman zuen. Zierbena eta Donostiarraren aitzinetik sailkatu zen Zarautzen eta hamabi puntu gehiago batu zituen. Hondarribia laugarren izan zen, eta hauek ere sailkapeneko hirugarren postua mantendu zuten.
Gizonezkoentzat oraindik ere ez da Liga bukatu. Asteburu honetan, Ondarroan eta Getarian izanen dira, larunbat eta igandean hurrenez hurren.
KAE-1 Liga ere bukatutzat eman dute
KAE-1 Ligako gizonezkoak ere denboraldia agurtu zuten pasa den asteburuan Zarautzen eta Bilbon. Ligako garailea Sanpedrotarra izan zen azkenean, bigarren eta lehen postuak eskuratuta asteburuko bi estropadetan. 150 puntu batuta, biko aldea atera dio Lapurdiri, bigarren postuan sailkatu den traineruari. Hondarribitarrek berriz, bederatzigarren postua eskuratu dute eta horren ondorioz, maila mantendu dute heldu den denboraldirako.
Lehen mailara igotzeko play-offak berriz, heldu den asteburuan ospatuko dira, bi jardunalditan banatuta. Larunbatean, abuztuaren 26an, Colindresen (Kantabrian) ospatuko da lehen jardunaldia, 12:30etik aitzinera. Igandean, abuztuaren 27an, Erandion izanen da bigarren estropada, 13:30etik aitzinera.
(Argazkia: Aitor Arrizabalaga)
Ur lasaietan, ur bizietan eta arraunean izanen dira ikastaroak
Santiagotarrak klubak ere udako ikastaroak eskainiko ditu ekaina bukaeratik iraila...
Gizonezko lehen traineruak hirugarren postua eskuratu du Euskadiko Txapelketan
Hondarribia Arraun Elkarteko emakumeek Lekeition garaipena eskuratu...
9 eta 11 urte baino gehiago dituzten gazteentzat zuzenduak egonen dira udako ikastaroak
Hondarribia Arraun Elkarteak piragua eta arraun ikastaroak...