Irungo Txirrindulari Elkartea denboraldiko txirrindularitza txapelketak antolatzeko eta lehiatzeko prest dago. Otsailaren 18an denboraldiko aurkezpena egin zuen klubak Iñigo Lavado jatetxean, haur, kimu, kadete eta junior mailako txirrindulariak ezagutaraziz. Edurne Izagirre klubeko lehendakari karguan estreinatu zen. Presidente berriak uste du txapelketa gutxiko bi urteren ostean, txirrindularitza elkarte irundarrak aurten ohiko lehiaketa guztietan parte hartzeko aukera izango duela.