Real Union puntu bat lortzeko gai izan zen atzo Racing de Santanderren aurka hutsna berdindu eta gero 

Berdinketa, baina honako honetan oso baliotsua. Gorantzko noranzkoan joateko puntua da atzokoa, izan ere, sailkapeneko lehenaren aurka, hau da, Santanderreko Racingen aurka, ez da gauza makala. Etxeko taldeak aukera gehiago eta argiagoak izan bazituzten ere, Joseba Agirrek eta Eneko Romok zuzendutako taldeak ere gola eskuratzeko abaguneak izan zuten.

Santanderreko Racingek izan zuen neurketaren aginte makila partidu hasieratik, baina Real Unionek ondo jakin zuen bere papera jokatzen eta baloirik gabe bazegoen ere, eroso aurkitzen zen. Sekulako aukerak izan zituzten santanderrekoak baina Irazustak erantzun bikainekin hutsekoa mantentzen zuen markagailuan. Lehen zatiko azken minutuan Santanderreko Racingek penalti bat izan zuen bere alde, baina Irazustak bere ateko morroiloa itxi eta penaltia gelditu zuen.

Atsedenalditik bueltan, Santanderreko Racing bere lanarekin jarraitu zuen, baloiaren jabetza eta aukerak alde zituzten, baina ez ziren gai gauzatzeko. Talde txuribeltzak ere bere abagune argiena izan zuen bigarren zatian. Alain Eizmendiren jaurtiketa ordea ezta ez zen sareetara joan eta beraz, hutsekoarekin partidua amaierara iritsi zen.

Puntu positiboa bai, baina Real Union promozio postuetan murgilduta jarraitzen du Izarrak Bilbao Athleticken aurka berdindu eta gero. 32 punturekin datorren igandean 17:00etan Durangoko Kulturala izango dute aurkari. Zortzi final aurretik.