Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
13 Urt, 2019
BIDASOA-IRUN: Zubiria, Cavero, Trkulja (4), Crowley (5), Iriarte (2), Zildzic (3), Muiña (6), Dejanovic, Vazquez (1), Revin, Penón (2), Gimeno (3), Alzaga, Azkue (7).
BORDILS: Comas, González, Llobet (5), Prat (4), Caselles, Nono (7), Maso (1), Canyigueral (5), Moreno (1), Reixach (4), Castello, Gasau, Huix, Marquez (4).
EPAILEAK: Peñaranda Ortega, Yagüe Moros.
MARKAGAILUA: 2-3, 6-5, 8-7, 11-10, 14-13, 18-14 (atsedenaldia); 21-16, 24-20, 28-25, 31-29, 32-29, 33-32.
Beste bi puntu eskuratu ditu Bidasoa-Irunek. Gainera, Navaren porrota kontuan hartuta, igoera faserako txartela ematen duen seigarren tokian kokatu da talde irundarra. Hori izan da jardunaldiaren inguruan Bidasoak atera dezakeen ondoriorik onena. Izan ere, bere gabeziak agerian utzi ditu berriro Artalekuko kantxan, Bordilsen aurkakoan. Neguko etenaren ondoren lortu zuen sendotasuna galdu du Bidasoak defentsan. Bordilsek hutsuneak topatzea lortu du, jokalarien abiadurari eta mugikortasunari esker. Gol jario etengabearekin jokatzera behar du etxeko taldea.
Neurketaren hasiera oso estua izan da markagailuari dagokionean. Biko aldea izan du gehienez ere Bidasoa-Irunek. Hogeigarren minutuan 12-10ekoa sartu du Zildzic-ek. Baina kanpoko entrenatzaileak eskatutako hutsarteak eragina izan du. Minutu bakarrean berdintzea lortu du Bordilsek. Antzeko zerbait gertatu da pistaren beste aldean, atsedenaldiaren aurreko minutuan. Boleak hutsartea eskatu du 15-14koarekin, lehen zatia ondo bukatzeko asmoz. Minutu eta erdi aski izan du talde irundarrak beste hiru gol sartzeko. Muiñak bi egin ditu, eta Azkuek azkena, Crowleyren hutsa konponduta.
Lau goleko abantailarekin ekin dio Bidasoak bigarren zatiari. Bizi bueltatu da kantxara, eta seira ere handitu du aldea, Trkuljaren golarekin (20-14). Berrogeigarren minutuan bost goleko errenta zuen etxeko taldeak, baina ez du norgehiagoka apurtzea lortu. Bordilsen erasoak gelditu ezinik, bizirik mantendu du kanpoko taldearen itxaropena. Berrogeita hamargarren minutua bete aurretik, 30-29ra hurbiltzea lortu dute kataluniarrek. Orduan agertu da Bidasoaren defentsa, behingoz gol jarioa gelditzeko. Erabakigarria zirudien gola sartu du Muiñak, lau minutu falta zirenean (33-29). Hala ere, azken momentura arte borrokatu du kanpoko taldeak. Ozta-ozta eutsi dio garaipenari Bidasoa-Irunek.
Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...
Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...