Gaztedi Bren kontrako denboraldiko azken partiduan 17-29 galdu zuen Iñigo Camareroren taldeak
Txingudi Rugby Klubeko gizonezko seniorrek...
08 Eka, 2023
Entrenamendu bereziez gain, emakumeek hirugarren denboraz gozatu ahal izanen dute eta batukada batekin borobilduko dute eguna
Txingudi Rugby Klubak Emakume Errugbilarien Eguna antolatu du heldu den larunbaterako, ekainaren 10erako. Eskualdeko emakume errugbilariek arratsalde osoko egitaraua izanen dute prest Plaiaundin eta horrela, denboraldi bikain honi bukaera eman ahalko diote.
Arratsaldean emanen diote hasiera egitarauari Plaiaundin. Eskualdeko emakume errugbilariek entrenamendu berezia izanen dute Maider Aizpurua eta Asun Gamindezekin, 15:30etik aitzinera. Hau bukatuta, hirugarren denboraz gozatu ahalko dute aurten lehen aldiz talde sortu duten emakume guztiek. Arratsaldeari eta denboraldiari bukaera bikaina emateko berriz, Sustrai batukada feministarekin dantza egiteko aukera izanen dute, 18:30ean.
Klubak adin guztietako emakumeak gonbidatu ditu jardunaldi honetan parte hartzera, eta lagunekin etortzeko gonbita ere luzatu du.
16 eta 18 urtez azpikoen partiduak
Plaiaundi larunbat goizean dagoeneko beteta egonen da. 16 eta 18 urtez azpiko taldeek Asturiasko All Rugby Llanerako taldeak jasoko dituzte. Bidasotarrek maiatzean bisitatu zituzten asturiarrak eta orain eurek gauza bera eginen dute Irunen. 10:00etan hasiko dira neurketak eta lehenik, 18 urtez azpikoek jokatuko dute. Ondotik, 16 urtez azpikoek emanen diote bukaera goizeko jardunaldiari.
Gizonezkoek eta Beteranoak kanpoan
Zaisa Txingudiko gizonezkoak, Txingordis taldearen izenean, Quebrantahuesos taldeak urtero antolatzen duen “Fat Rugby” txapelketa jokatzera joanen dira Monzonera. Pasa den urtean lehiaketaren irabazleak izan ziren Irun eta Hondarribiko jokalariak eta aurten, garaipena errepikatzeko asmotan daude. Txapelketan jokalariek, guttienez, 90 kilo pisatu behar dituzte eta arauak desberdinak dira, aurrelarien jokoa sustazeko helburuarekin.
Bertzalde, Txingudiko beteranoak Arrangoitzen (Lapurdin) izanen dira, larunbat goizean, Rugby Touch txapelketa jokatzen.
Clovis Leizagoyen txapelketan, hiru bidasotar
Clovis Leizagoyen txapelketa jokatuko da heldu den larunbatean ere Zarautzko Asti zelaian. 14 urtez azpiko Euskal Herriko eta Bearnoko sei selekzioen arteko txapelketa da hau eta bertan, hiru txinguditar izanen dira jokoan. Gipuzkoako selekzioarekin Oier Oliveira, Ekaitz Sanchez eta Helene Tristan arituko dira. 10:00etan emanen zaio hasiera txapelketari, eta orduan Arabaren kontra jokatzea egokituko zaie bidasotarrei. 11:00etan berriz, Cote Basque selekzioa izanen dute aurkari.
Txingudi Rugby Klubaren Eguna
Txingudi Errugbi Klubak bere eguna ospatu zuen pasa den ekainaren 3an. 100 pertsona baino gehiago bildu zirela jakinarazi dute, eta giro ederrean joan zela eguna. Azpimarratu dutenez, eguneko momenturik berezienak eskolako jokalarien eta gurasoen arteko neurketa izan zen, baina maila guztien artean jokatu zen “tokata” ere.
Gaztedi Bren kontrako denboraldiko azken partiduan 17-29 galdu zuen Iñigo Camareroren taldeak
Txingudi Rugby Klubeko gizonezko seniorrek...
Txingudi Rugby Klubeko senior mailako gizonezkoek Plaiaundin jasoko dute Gaztedi B Ligako azken jardunaldia jokatzeko
Denboraldiko helburu nagusia...
Mugako taldeak ezin izan zuten Urgozo garaitu eta 38-3ko markagailuarekin galdu zuen
Txingudi Rugby Klubeko senior mailako gizonezkoek, Zaisa...
Txingudi Rugby Klubeko gizonezkoak sailkapeneko hirugarren postua ziurtatzeko helburuarekin joanen dira liderraren etxera
Txingudi Rugby Klubeko...
Biok Experiential Shopping Txingudi Badia eskolarteko nazioarteko txapelketa arrakastaz ospatu zen bigarren urtez segidan
Eguraldia lagun zutela,...
200 errugbilari gazte bilduko dira Plaiaundin apirilaren 6an bigarren aldiz ospatuko den eskolarteko txapelketan
Txingudi Rugby Klubak bigarrenez...