1-3ko markagailuarekin txuribeltzek garaipena eskuratu zuten Garmendipen, Lagun Onak B taldearen kontra
CD Lagun Onak B: Madrazo; Arizmendi,...
16 Mai, 2016
Futboleko botak alde batera utzi ditu Eneko Romo Real Unioneko kapitainak. Talde txuribeltzak Leioaren aurka igandean jokatu zuena izan da iruindarraren azken partida ofiziala. Epaileak txistua jo zuenean, zelaiaren izkin batera hurbildu zen. Bertan, Stadium Galera joandako senideak eta lagunak zeuden, Romok jantzitako elastiko guztiak soinean. Xehetasunaz konturatu ziren zaleetako batzuk kapitainaren agurra txalotzera hurbildu ziren. Ikusle asko eta asko, ordea, konturatu gabe irten ziren Galetik. Beranduago, senideekin, lagunekin eta taldekideekin argazki sorta atera ondoren, omenaldi xumea jaso zuen Romok, lagunartean.
Hogei urte baino gehiago egin ditu Eneko Romok futbolean, Pamplona, Athletic, Alaves, Eibar, Rayo Vallecano, Lleida, Peña Sport eta Real Union taldeetan. 2007an iritsi zen Irunera, eta zortzi denboraldi egin ditu Galen. Tartean, urte betez aritu zen Tafallako Peñan. Talde txuribeltzaren aro modernoko urterik onenak bizi izan zituen, eta Santiago Bernabeun Real Madril Errege Kopatik kanpo uzteko balio izan zuen burukada elkartearen historiako mugarrietako bat da jada. Kapitaina eta taldean ardura handia izan duen jokalaria izan da Eneko Romo azken urteotan. 37 urte dituela, futbola uztea erabaki du.
1-3ko markagailuarekin txuribeltzek garaipena eskuratu zuten Garmendipen, Lagun Onak B taldearen kontra
CD Lagun Onak B: Madrazo; Arizmendi,...
Sestaok sartutako bi penaltiekin, 3-1eko emaitzarekin galdu zuen Real Unionek
Real Unionek porrota jaso zuen pasa den larunbatean Las Llanas...
Real Unionek bihar bisitatuko du Sestao River (20:00), zalerik gabe jokatuko den neurketa ospatzeko
Real Unionek, pasa den asteburuko garaipena...
Alex Cerdák sartutako golari esker, hiru puntuak etxean gelditu ziren
Urtarriletik garaipenik batu gabe egon ondotik, Real Unionek Cornella garaitu...