Meridan jokatu du azken urtean eta defentsako ezker hegalean jokatzera ohituta dago.

Urte baterako akordiora iritsi dira Real Union eta Erik Ruiz ezker defentsa erdilari bilbotarra. Alaves B-n birritan eta Barakaldotik igaro ostean, Meridan jokatu du aurten. Orotara, 23 neurketa jokatu ditu, 17 bigarren B mailako V.multzoko B azpimultzoan eta 6 izan dira bigarren fasean jokatu dituen norgehiagokak.

Lehen adierazpenetan, horrela aurkeztu nahi izan du bere burua Erik Ruizek: "Erik Ruiz nauzue, Real Unioneko jokalari berria. Oso pozik nago proiektu berri honen parte izateaz eta familia handi honetara batzeaz. Guztion artean, urteaz gozatzea eta ezarritako helburuak betetzea espero dut".

Hasierako hamaikakoan bere tokitxoa izan dezan, taldean oso finkatuta dagoen jokalari batekin lehiatuko da. Gorka Kijerak eta Erik Ruizek osatuko dute defentsako ezker aldea.