BIDASOA: Dejanovic, Crowley (2), Portero, Villar (2), Odriozola (2), Mouriño (1), Azkue (4). Vázquez (3), Martínez (2), Beltza, Zubiria, Muiña (7), Bezbradica, Davidovic, Gómez, Rincón.

ZAMORA: Maciel (14), Reyes (1), Martín (1), Alonso (4), Gómez, Del Val (1), Camino (8). Ceballos (1), Abalos, Cano, Magadán (2), García (2), Molina, Martín, Fernández.

MARKAGAILUA: 2-1, 5-2, 7-3, 9-5, 13-7, 15-10 (atsedenaldia); 15-11, 16-12, 17-16, 19-18, 22-19, 23-20.

Garaipenarekin eman dio amaiera Bidasoak lehen itzuliari. Aste berezia izan da oporren ondorengoa. Domingo Bárcenas Memoriala zela eta, Bidasoak ezohiko orduetan entrenatu behar izan du. Gainera, ligako norgehiagoka asteartean jokatu du. Aurkaria ez zen txantxetakoa, Zamorak egin baitio bisita Artaleku kiroldegiari. Trabak jarri dizkio Bidasoari, baina etxeko taldeak aurrera atera du norgehiagoka. Defentsako lanak eta atezainen ekarpenak markatutako eskubaloi partida izan da. Markagailuko kopuru baxuak ikustea besterik ez dago.

Lehen zati txukuna egin du Bidasoak. Defentsak saihestu ez dituen golak Dejanovicek ekidin ditu, eta erasoan fin ibili dira Azkue eta Muiña, bereziki. Ondorioz, bost goleko abantailarekin hartu dute irundarrek aldagelarako bidea. Itxura ona zuen arren, neurketak bide makurra hartu du bigarren zatiaren hasieran. Erasotzeko zailtasun handia izan du Bidasoak. Trabatu egin da, eta bi gol besterik ez ditu sartu 17 minutuko tartean. 2-6ko partziala osatu du Zamorak, eta gol bakarrera hurbildu da (17-16).

Momentu kritikoan, Vazquezek arnasa eman dio Bidasoari, ezker hegaletik. Berak egin ditu hurrengo bi golak. Minutu erabakigarria 24.a izan da. Muiñak hiru goleko abantaila eman dio Bidasoari kanpoko jaurtiketa batekin. Hurrengo jokaldian Dejanovicek baloia gelditu du, eta segidan 23-19koa sartu du Didac Villarrek. Irundarren azken gola izan da, norgehiagoka haien alde erabaki duena. Larunbatean, Zarautzen kontrako derbiarekin hasiko da ligako bigarren itzulia.