07 Ira, 2023
Larunbatean, irailaren 9an, ospatuko da txapelketa eta lehendabiziko aldiz Ipar Euskal Herriko taldeak arituko dira lehian
Euskal Herriko Squash Txapelketa ospatuko da asteburu honetan Irunen, Artalekuko kiroldegian. Irailaren 9an, goizez eta arratsaldez, ibiliko dira Euskal Herriko jokalari onenak lehian, txapela zeinek jantzi erabakitzen.
Gorka Arretxe Lur Alai Squash Klubeko arduradunak adierazi duenez, “Gipuzkoa, Bizkaia, Araba eta Nafarroako emakume eta gizonak” lehiatuko dira asteburu honetan Artalekun Euskal Herriko Squash Txapelketan. Gainera, “lehenengo aldiz Ipar Euskal Herriko selekzioak ere parte hartuko du”, Arretxek berak jakinarazi duenez.
Irailaren 9an, goizez eta arratsaldez, ariko dira lehian squash jokalariak. 9:00etan hasiko dira neurketak eta bazkaltzeko atsedenaldiaren ondotik, arratsaldean finalerdiak eta finala jokatuko dituzte. Partidu guztiak 19:00etan bukatzea aurreikusi dute eta gero, sari banaketa eginen dute.
Laugarren pista berreskuratzeko borrokan
Irungo klubeko arduradunak aldarrikapena egiteko ere aprobetxatu du txapelketa hau. Berak erran duenez, “urteak daramatzagu hiru pistekin, laugarrena itxi zigutelako, eta azken hau berreskuratu nahiko genuke. Horretarako, Irungo Udaleko kirol zinegotziari konpromezua eskatzen diogu, baita klubak urtez urte egin duen lanari babesa ematea ere”.
Ekainaren 15 eta 16an ospatuko da XXX. Irun Hiria Sari Nagusia Nagore Otañoren Oroimenezko txapelketa Jaizubian
San Pedro eta San Martzial besten...
2010 eta 2016 urteen artean jaiotako haurrei zuzenduak egonen dira eta helburu nagusia, kirola eta baloreak uztartzea izanen da
Mugi kirol udalekuak...
Bi ibilbide izanen dituzte mendizaleek aukeran, motza (22,6 km) eta luzea (28,7 km)
Lesakako XVI. Mendi Itzulia eginen dute igande honetan,...