Hamabi Futbol Klubak, Unión Tuterak, Arranoak eta Zestoa KB-k hartuko dute parte Euskara eta futbol ateratzen dituen txapelketan

Kirola eta euskara bateratzen dituen ekimen baten berri emanen dizuegu. Asteburu honetan, ekainaren 24an zehazki, Euskara Jalgi Hadi Plazara futbol txapelketa ospatuko dute Lezamako instalazioetan. Lagunarteko txapelketa hau euskara kirolean eta futbolean sustatzea du helburu. Horretarako, lan horretan diharduten lau klub gonbidatu dituzte parte hartzera: Hamabi Futbol Kluba (Bilbo, Bizkaia), Unión Tutera (Tutera, Nafarroa), Arranoak (Ortzaize, Behe Nafarroa) eta Zestoa KB (Zestoa, Gipuzkoa). Gainera, partiduak epaituko dituztenak ere euskaldunak izanen dira. Pasa den urtean ospatu zuten ekimen honen lehen edizioa eta aurten bigarrena ospatzea seinale ona da Christian Arean, Hamabi FK-ko presidentearen erranetan.