Talde txuribeltzak 2-1 galdu zuen Ponferradan eta orain, azken bi jardunaldiak gelditzen zaizkio maila mantentzeko helburua lortzeko
Real Unionek...
20 Urr, 2023
Real Unionek Ponferradina jasoko du igandean (urriaren 22an) Galen, oraindik partidurik galdu ez duen taldea hain zuzen
Real Unionek denboraldiko bederatzigarren partidua jokatuko du asteburu honetan Galen. Hain zuzen ere, igandean (urriaren 22an) ospatuko du Ponferradinaren kontrako neurketa, 16:00etatik aitzinera. Aurkaria jardunaldirik galdu gabe etorriko da Irunera eta beraz, maila altua eman beharko dute etxekoek puntuak Galen gelditzeko.
“Igoeragatik borrokan egonen den taldeetako bat etorriko dela badakigu”, aipatu du gaur goizeko prentsaurrekoan Fran Justok, Real Uniongo entrenatzaileak. Hain zuzen ere, bere taldeak Ponferradina jasoko du igande honetan Galen, sailkapeneko bigarren postuan kokatutako dagoena, eta oraindik ere partidurik galdu ez duena. Hala ere, txuribeltzak euren zelaian indarra egiteko gai izan dira denboraldi hasiera honetan, eta hortaz ere jabetu da aurkaria.
“Xehetasun txikietan” erabakiko den partidua izanen dela ere aitzindu du Justok. “Partidu polit eta borrokatu bat” izanen dela gaineratu du. Puntu bakarreko aldea dute bi taldeek sailkapenean, baina horrek ez du beldurtzen talde txuribeltza: “Puntuazioa garrantzitsua da, baina postuak aldakorrak dira. Bide onean gaudela erraten digute ratioek eta horri begira egonen gara. Oraingo honetan, neurketa on bat egiten saiatuko gara gure zaleei futbolaz gozatzeko arratsalde polit bat eskaintzeko asmoarekin”.
Aurkariaren jokoa ikusi beharrean, Real Union bere lanean zentratuta dago. Fran Justok erran duen bezala, “garrantzitsuena irabazteko puntuan gaudela erakustea da. Guk eman dezakegun mailak kezkatzen nau gehiago, honekin, Ponferradinak bere mailarik baxuena ematea ahalbidetuko dugulako”. Igandeko partiduan taldea “konzentratuta, exijentziaz eta anbizioarekin” jokatu behar duela onartu du prestatzaileak, “aurkariari itotzeko helburuarekin”.
Talde txuribeltzak 2-1 galdu zuen Ponferradan eta orain, azken bi jardunaldiak gelditzen zaizkio maila mantentzeko helburua lortzeko
Real Unionek...
Hiru jardunaldi bertzerik ez zaizkio gelditzen Real Unioni eta horietako lehena, igande honetan (maiatzaren 12an) ospatuko dute Ponferradinaren...
Talde txuribeltzak hutsera berdindu zuen etxean Cultural y Deportiva Leonesa taldearen kontra
Real Unionek hutsera berdindu zuen, pasa den...
Real Unionek bihar, maiatzaren 4an, jasoko du Cultural y Deportiva Leonesa taldea (19:00), 1924ko Koparen garaipenaren mendeurrenean
Real Union ere...