Adidas markarekin jantziko dira jokalariak eta Futbol Emotion taldeak egindako diseinuarekin
Real Union Klubak 2024/25 denboraldiko jantziak...
13 Urr, 2023
Real Unionek Celta Fortuna bisitatuko du bihar, Vigon, denboraldiko zortzigarren jardunaldia jokatzeko
Real Unionek denboraldiko zortzigarren jardunaldiari eginen dio aurre bihar, urriaren 14an. 17:00etan Barreiron izanen dira Celta Fortuna taldearen kontra lehiatzeko. Talde gogorra da aurkaria, eta partidu zaila izanen dela ere argi dute irundarrek. Hala ere, konfiantzaz eta lasaitasunez ariko dira, ahalik eta puntu gehien batzeko asmoarekin.
Denboraldiko bidai luzeena egin du gaur Real Unionek, Celta Fortunaren kontra aritzeko. Hala ere, Fran Justok erran duen moduan, “hori ez da aitzakia. Bertze taldeek ere bidai luzeak egiten dituzte eta guk, gainera, ahalik eta modu onenean prestatu dugu hau, neurketara ongi iristeko eta biharko hitzordua ongi prestatzeko”.
Vigon egotea aunitz gustatzen zaio entrenatzaileari, “etxetik hurbil egotea erran nahi duelako”. Horrez gain, Celtaren zelaia “galiziar futbolarentzat leku garrantzitsua da eta azken urteetan galiziar futbolari aunitz eman ditu zelai horrek”, adierazi du Justok. Zaila izanen dela jakinda, ilusio handiz prestatu dute neurketa hau talde txuribeltzeko jokalari eta prestatzaileek.
Neurketa honi aurre egin aitzinetik, sailkapenean gora dago talde irundarra eta dituzten puntuak kontuan hartuta, postu onean daudela onartzen dute denek. Hala ere, entrenatzailearen iritziz, “taldeak ez du bere onena eman oraindik etxetik kanpo, eta hori Vigon ikustea espero dugu”.
Celta talde ona dela ere azpimarratu du Justok: “Modu kolektiboan talde ona da, baita modu indibidualean ere. Gure helburua ahalik eta puntu gehien batzea izanen da, jakinda partidu perfektu baten ondotik soilik lor dezakegula hori, eta beraz, zaila izanen dela”. Neurketa bikain hori egiteko gakoa “partiduan emanen diren momentu ttiki horiei aurre egitea” izanen da eta horrekin, “aurkariari abantaila ateratzea”. Detaile horiek inportanteak direla argi du Fran Justo entrenatzaileak.
Adidas markarekin jantziko dira jokalariak eta Futbol Emotion taldeak egindako diseinuarekin
Real Union Klubak 2024/25 denboraldiko jantziak...
Ekainaren 8an, larunbatean, ospatuko da eta guztira zortzi taldeek hartuko dute parte
Real Union Klubak Enpresen arteko III. Torneoa antolatu du...
Zelai erdian aritzen zen jokalaria utzita etorri zen Irunera UD Levantetik pasa den udan
Real Union Klubak jakitera eman duenez, Alex Cerda bere...
Klub txuribeltzak euren profesionaltasuna eskertu nahi izan die jokalariei eta zorte ona opa etorkizunean
Carlos Beitia eta Julio Martinez Escorcia...
45 urtetik goitiko taldea txapeldun izan zen eta +55 eta +35 mailatako taldeak berriz, txapeldunorde
Real Uniongo Beteranoak Donosti Masters Cup...