Real Unionek bihar, maiatzaren 4an, jasoko du Cultural y Deportiva Leonesa taldea (19:00), 1924ko Koparen garaipenaren mendeurrenean
Real Union ere...
29 Ira, 2023
Federazio Kopatik kanpo gelditu eta gero, burua altxatu eta Unionistasen kontra garaipena eskuratzea izanen da txuribeltzen erronka
Real Unionek Federazio Kopako final-hamaisereneko partidua galdu eta orain, Ligako helburuak izanen ditu begiz jota. Hurrengo erronka Unionistas de Salamancaren kontra jokatuko dute neurketa izanen da, igande honetan (urriaren 1ean), 18:00etan. Aurkariak hilabete nahiko daramatza bere etxean galdu gabe eta beraz, txuribeltzentzat ez da erronka makala izanen.
Fran Justok “helburu batzuk bertzeak baino inportanteagoak” direla erran du gaur goizeko prentsaurrekoan. Marino de Luancoren kontra galdu eta Federazio Kopatik kanpo gelditu zen Irungo taldea, Errege Kopa jokatzeko aukerarik gabe. “Ahal bezain urrunen iristen saiatu gara, baina gure helburuak Ligan daude. Errege Kopa ilusio bat zen, baina partiduak irabazi behar dira horretarako, eta galdu ere egin daiteke lehengo egunean bezala”, gaineratu du entrenatzaileak.
Ligan zentratuta beraz, igande honetan Unionistas de Salamanca bisitatu beharko du Real Unionek. Justok azaldu duenez, “hilabeteak badira inorrek ez duela beraien etxean irabazten”. Taldea “erasoan eta defentsan ongi landua” dagoela ere azpimarratu du, eta “hobekin lehiatzen den taldeetariko bat eta aurkariari hobekin egokitzen” dena ere badela adierazi du.
Hala ere, txuribeltzak ongi daudela argitu du prestatzaileak: “Momentu onean gaude eta bertan irabazteko prest gaude. Hori da gure helburua”. Garaipena eskuratzeko “aurkariari ematen dizkiogun aukera gutti horietan asmatu behar” dutela onartu du Justok. Horrez gain, “konfiantza erakutsi behar dugu, eta perfekziotik hurbil egon” behar direla erran du, “Real Unionek emateko duen guztia erakutsi behar du”.
Unionistas-i aurre egiteko, “ia talde guztia dugu eskuragarri”, jakinarazi du entrenatzaileak. “Nekea nabari dugu eta hiruzpalau jokalari ditugu zalantzan. Egunero hobetzen doaz eta hori garrantzitsua da”.
Real Unionek bihar, maiatzaren 4an, jasoko du Cultural y Deportiva Leonesa taldea (19:00), 1924ko Koparen garaipenaren mendeurrenean
Real Union ere...
Doladok azken minutuan sartutako penaltiari esker berdindu zuen talde txuribeltzak
Real Unión Roca: Rodríguez; Poirier (Dolado, min. 70),...
Benitok sartu zuen bigarren zatian talde txuribeltzaren gola, baina ez zen nahikoa izan Svenssonek sartutako biak berdintzeko
Real Unionek 2-1 galdu...
Real Unionek Osasuna Promesas bisitatuko du bihar Taxoaren
Real Unionek garaipena eskuratzeko bertze aukera bat izanen du bihar, apirilaren 27an,...