San Martzial futbol taldeak, Gipuzkoako Futbol Federazioarekin eta Gipuzkoako Kirol Egokituko Federazioarekin elkarlanean, Behe Bidasoa Eskualdean futbol egokituko jardunaldia antolatu dute.

Irunen, ekainaren 20an, futbol egokituko jardunaldia ospatuko da Artiako futbol zelaian. Hitzordua 11:00etatik 13:00etara bitartean izango da, 8-25 urte tarteko hankarekin jokatzeko desgaitasuna duten gazteentzat zuzendutakoa. Jardunaldi honen helburua proba piloto batean bihurtzea da; hau da, dibertsitatea funtzionala pairatzen duten pertsonak, aukera berdinak izan ditzatela futbolaz gozatu eta maite duten kirola jarduteko.

Gauzak horrela, proiektu piloto hau San Martziak futbol taldearen, Gipuzkoako Futbol Federazioaren eta Gipuzkoako Kirol Egokituko Federazioaren eskutik iritsiko da Irunera. Kirol egokitua barneratzen duen Behe Bidasoa eskualdeko lehen iniziatiba izango da honakoa. Jorge Vertizen, San Martzial Klubeko lehendakariaren, esanetan, "klubak zailtasunak dituzten pertsona eta familia horiei eskaintza berezia egin nahi izan die". 

Jardunaldiari dagokionez, bi orduko entrenamendua izango da eta Federazioko zein San Martzial taldeko teknikariek zuzenduko dute: Josu Zubiak, Gipuzkoako entrenatzaileen zuzendariak, eta Aitor Sarobek, San Martzial taldeko kirol-komisioko kideak, gidatuko dute entrenamendua. Bi horiek, futbola eta inklusioa batzeko asmoarekin, entrenamendu polit eta dibertigarria osatzen saiatuko dira. 

Izena emateko epea irekita dago, interesa dutenek fgf@escueladeentrenadores.com helbidera idatzi edota 747 426 823 (Josu) telefono zenbakira deitu beharko du.