Erromoko Eskubaloiaren kontra aritu ziren finalean eta 20-41ko markagailuan gainditu zituzten ermuarrak
Bidasoa Irunek Euskal Kopako finalean...
27 Abu, 2021
Nahiz eta markagailuan ez islatu (13-36), Bidasoak lan egin behar izan du 2020ko Euskal Kopa Bidasoak bereganatzeko. Bigarren zatian erritmoa aldatu eta Ereintzari aise nagusitu da talde irundarra.
Denboraldi-aurreko bosgarren neurketa jokatu du gaur Bidasoak, Oreretan, Ereintza Aguaplasten aurka. 2020an jokatu beharreko Euskal Koparen finala eskualde kideak diren bi taldeek jokatu dute. Eskualde kide diren erakusle, bi taldeetan trukatu diren herrikideen zerrenda da: Ereintza Aguaplasten Mikel Mindegia eta Jaime Mancisidor irundarrek jokatu dute eta kontrako aldean, C.D. Bidasoan, Julen Mujika oreretarra partidakoa izan da.
5-1eko defentsa aurreratuarekin hasi du partidua Bidasoak. 1-1 berdinketaz geroztik, 0-4ko partziala baliatu du talde irundarrak hamargarren minutua beteta lehen errenta nagusia lortzeko (1-5). Ereintzaren lehen bi golak penalti puntutik heldu dira, zailtasunak izan dituzte bidasotarren hesia gainditzeko. Halere, lehen minutuetako urduritasunak kenduta, Ereintzak presiorik gabe jokatu du, baita beldurrik gabe ere. Ereintzaren entrenatzaileak, 4-8koarekin, hutsartea eskatu du, Mikel Mindegiak jarraian eginiko hiru geldiketekin Bidasoaren erasoa zailtasunetan jarri du Ereintzak eta talde irundarraren teknikariak hutsartea eskatzera behartuta ikusi du bere burua (5-8). Hutsartetik bueltan, Cuetarak bizorkatusna eskatu die jokalariei eta Kauldik, Zabalak eta Caverok hiru kontraeraso bizkorren bidez, 5 goleko errentara handitu dute aldea (6-11). Lehen zatiko azken minutuak aldea are gehiago handitzeko baliatu du Bidasoak, 7-15 bukatu dira lehen 30 minutuak.
Bigarren zatia Matheus Da Silvaren 2 minutuko kaleratzearekin hasi da eta hiru minutu golik gabe egon ostean, Ereintzak egin du bigarren zatiko lehena. Bosgarren minutuan iritsi dira Bidasoaren lehen bi tantuak, Kauldi Odriozolak eskuin hegaletik eta Eneko Furundarenak bigarren lerrotik (8-17). Bi minututan, Odriozola eta Furundarena binomioak neurketa hankaz gora jarri du, hamaika goleko aldera handitu dute biek errenta (8-19). Bidasoak abiada geldiezina hartu du eta lehen aipatutako bikoteari, Xabi Barreto gaztea bi kontraeraso bizkorrekin eta hegaletik eginiko beste gol batekin batu zaie (10-22). Bigarren zatiko erdia beteta, neurketa hautsita zegoen (10-26) eta bide berean mantendu da amaierara arte, Ereintzak baloia galdu eta Bidasoak kontraeraso azkarra burutu. 60 minutuak beteta, defentsako lanean eta trantsizioan oinarrituta, Bidasoak 13-36 mendean hartu du Ereintza Aguaplast eta 2020ko Euskal Kopa irabazi du.
Erromoko Eskubaloiaren kontra aritu ziren finalean eta 20-41ko markagailuan gainditu zituzten ermuarrak
Bidasoa Irunek Euskal Kopako finalean...
Euskal Kopa bereganatu ondotik, Bidasoa Irunek Frigorificos del Morrazo jasoko du bihar (apirilaren 26an) Artalekun
Bidasoa Irunek Euskal Kopa...
Jacobo Cuetararen mutilek ezin izan zuten Ademar Leon garaitu eta 33-32ko markagailuarekin galdu zuten bertan
Bidasoa Irunek 33-32ko...
Bidasoa Irunek Ademar Leon bisitatuko du igande honetan, apirilaren 21ean, 17:00etan
Bidasoa Irunek Ademar Leonen kontrako partidua jokatuko du...
Irun 2029ko Emakumezkoen Munduko Eskubaloi Txapelketaren egoitza izendatu zuten atzo Parisen
Irun 2029ko Emakumezkoen Munduko Eskubaloi...
Blendio Sinfinen kontra 36-24ko emaitzarekin irabazi zuen talde horiak Artalekun
Bidasoa Irunek garaipena eskuratu zuen pasa den larunbatean etxean,...