Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
15 Aza, 2022
Aginagaldek bere hautagaitza aurkeztu du larunbat honetan ospatu daitezkeen klubaren hauteskundeetarako
Gurutz Aginagaldek, Bidasoako lehendakariak, bazkide eta lagunekin topaketa bat antolatu zuen atzo arratsaldean klubak ospatuko dituen hauteskundeetarako bere hautagaitza aurkezteko helburuarekin. Aginagaldek Irungo klubeko lehendakari izaten jarraitzeko asmoa adierazi zuen eta horretarako, osatu duen lantalde berria aurkeztu zuen ere.
Bidasoa klubak, datozen lau urteetarako zuzendaritza batzordea berritzeko asmoarekin, hauteskundeetarako hitzordua egin du larunbat honetarako (azaroak 19). Bertze hautagaitzarik aurkeztu ezean, oraingo presidenteak bertze lau urtez jarraituko du klubaren proiektuaren alde lan egiten. Horretarako, lantalde berria osatu du eta honen aurkezpena egin zuen atzo arratsaldean Ficoban ospatutako topaketa batean.
Jende andana hurbildu zen Irunen egindako bilerara eta Gurutz Aginagaldek adierazi zuen moduan, “honek esan nahi du Bidasoak ilusionatzen duela eta bizirik dagoela. Bazkidegoa gogotsu dago”. Lehendakariaren helburua topaketarekin “azken lau urte hauen esker ona eta lan ona” azaltzea zela erran zuen. “Denon ahotan dago lortu duguna eta ilusioz gaude etorkizunera begira, proiektu polita baitago aurretik”, gaineratu zuen. Hain zuzen ere, Bidasoa “momentu garrantzitsu batean dago, profesionaltasunera pasatzeko momentu horretan”, jakinarazi zuen Aginagaldek, eta taldeari eta klubari “laguntzeko intentzioarekin, gogotsu eta ilusioz dagoen lantalde oso polita” sortu dutela ere aipatu zuen.
Erabaki hau hartzeko momentu oso ona dela ere azpimarratu zuen atezain ohiak: “Lau urte hauetan egindako lanak momentu onean hartzen gaitu pausu hori ematerako orduan. Orain dela urte batzuk okerrago ginen klub bezala eta orain, oinarriak ditugu datozen erronkei aurre egiteko”. “Erronka gogorra” izango dela ere onartu zuen presidenteak, beste talde batzuek aurrerapausuak emanen dituztelako. “Bidasoak ez du atzean geratu nahi eta horretarako lan egingo dugu. Ekonomikoki, sozialki eta kirol arloan hazi behar dugu eta prest gaude, ilusioz eta gogotsu”, bukatu zuen erraten Aginagaldek.
Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...
Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...