34-23ko markagailua erdietsi zuen talde irundarrak Frigorificos del Morrazoren kontra atzo Artalekun
Bidasoa Irunek bertze bi puntu garrantzitsu...
22 Abu, 2021
(Argazkia: C.D. Bidasoa)
Hasiera berdindua izan zen arren, HBC Nantesek bere boterea erakutsi zuen Egiako Kiroldegian eta 24-37 garaitu zuen C.D. Bidasoa, baita Egiako 26. Nazioarteko Txapelketa bereganatu ere.
Helvetia Anaitasunaren aurkako neurketaren antzera, C.D. Bidasoaren entrenatzailea den Jacobo Cuetarak ezin izan zuen Jon Azkue, Julen Aginagalde eta Rodrigo Salinas jokalariekin kontatu HBC Nantesen aurka 26. Egiako Nazioarteko Txapelketako finala jokatzeko. Talde handia da HBC Nantes, pasa den denboraldian, EHF Champions Leagueko final fourrera iristeaz gain, Lidl Starligue frantziar ligako hirugarren sailkatua ere izan zen, PSG eta Montpellier taldeen atzetik. Eskubaloi munduko talde onenetariko baten aurka eta jokalari garrantzitsuen bajekin, aldapan gora egin zitzaion neurketa C.D. Bidasoari.
Lehen minutuetan, aldiz, berdintasuna nagusitu zen markagailuan, Caveroren, Kauldi Odriozolaren eta Matheus Da Silvaren golek eutsi zuten C.D. Bidasoa. Hamargarren minututik aurrera, HBC Nantesek abiada hartu eta geldiezin bilakatu zen. Atsedenaldira, 7 goleko abantailarekin iritsi zen talde frantziarra (12-19).
Nahiz eta neurketa zaila izan, talde irundarrak ez zuen amorerik eman eta aldeak zertxo bait murrizteko gai izan zen (17-25). Helvetia Anaitasunaren aurka jokatu zuten gazte berdinek izan ziren partiduko partaide, baina, oraingo honetan, ez ziren hain fin ibili ate aurrean. Neurketa, 24-37 markagailuarekin bukatu zen, 13 goleko aldearekin HBC Nantesek bereganatu zuen Egiako Nazioarteko Txapelketa garrantzitsua.
C.D. Bidasoaren denboraldi-aurreak datorren ostiralean test berri bat izango du, Oreretan Ereintza Aguaplasten aurka lehatuko da, 2020/2021 denboraldiko Euskal Kopako finalean.
Fitxa teknikoa
24 - Bidasoa Irun (12+12): Ledo, Olalla, García (1), Tesoriere, Francisco da Silva (2), Rodríguez (1), Cavero (3); Sierra, Ugarte (2), Zabala (2), Odriozola (5), Gey-Emparan, Olalla, Urruzola, Fernández (6), Arana (2), Furundarena.
37 - HBC Nantes (19+18): Robin, Ovnicek (3), Persson (1), Pechmalbec (3), Minne (4), Marchán (2), Portela (6), Nielsen, Lazarov (2), Rivera (5), Damatrin (2), Monar (1), Milic (2), Briet (3), Balaguer (2), De la Breteche (1).
34-23ko markagailua erdietsi zuen talde irundarrak Frigorificos del Morrazoren kontra atzo Artalekun
Bidasoa Irunek bertze bi puntu garrantzitsu...
Erromoko Eskubaloiaren kontra aritu ziren finalean eta 20-41ko markagailuan gainditu zituzten ermuarrak
Bidasoa Irunek Euskal Kopako finalean...
Euskal Kopa bereganatu ondotik, Bidasoa Irunek Frigorificos del Morrazo jasoko du bihar (apirilaren 26an) Artalekun
Bidasoa Irunek Euskal Kopa...
Jacobo Cuetararen mutilek ezin izan zuten Ademar Leon garaitu eta 33-32ko markagailuarekin galdu zuten bertan
Bidasoa Irunek 33-32ko...
Bidasoa Irunek Ademar Leon bisitatuko du igande honetan, apirilaren 21ean, 17:00etan
Bidasoa Irunek Ademar Leonen kontrako partidua jokatuko du...
Irun 2029ko Emakumezkoen Munduko Eskubaloi Txapelketaren egoitza izendatu zuten atzo Parisen
Irun 2029ko Emakumezkoen Munduko Eskubaloi...