23 Eka, 2021
KAE 2 ligako lehen estropadan, Pasaiako uretan, ‘Txalo’ Carrionek zuzentzen duen eskifaiak garaipena erdietsi zuen.
Ez banderarik, ez diru-saririk, baina lehen estropadan garaipena erdietsi zuen Hondarribia Arraun Elkarteko B traineruak. KAE 2 ligaren lehen estropadan, erlojupeko modalitatean, denbora azkarrena erdietsi zuen (21:39,66).
Hondarribia Arraun Elkartea azkenengoa izan zen uretaratzen, gainontzeko ontziek eginiko denboraz jabedun ziren eta abantaila bikain baliatu zuten. Nahiz eta Portugalete bigarren sailkatuari 13 segunduko abantaila atera, errenta nagusiak azken luzean erdietsi zituzten.
Lehen eta bigarren ziabogetaan, Zarautzek ezarri zuen denbora onena (5:31,00 eta 10:41,00). Hondarribia Arraun Elkartea segundu bateko atzerapenarekin eman zuen bigarren bira; hirugarren luzetik aurrera, berriz, aurkari zuzen berri bat izan zuten. Hirugarren ziabogan, Donostiarra B izan zen azkarrena, baina azken luzean, ‘Txalo’ Carrionen koadrila estropadaren jaun eta jabe bilakatu zen. Gauzak horrela, helmugan 21:39,66 geratu zuten kronoa eta Portugalete eta Donostiarra baino 13 eta 15 segundu azkarrago, hurrenez hurren. Lehen ziabogan denbora azkarrena markatu zuen traineruak, Zarautzek, laugarren bukatu zuen.
Sailkapen nagusiari dagokionez, Hondarribia Arraun Elkarteak lehen 10 puntuak batu ditu; atzetik, Portugaletek 9 ditu, Donostiarra B-k 8 eta Zarautzek 7. Busturialdeak, Mutrikuk, Deustu B-k, Hibaika, Santoñak eta Illunbek osatzen dute sailkapena.
Klub bereko piraguistek ere arrakastaz bukatu zituzten asteburuan jokatutako Bizkaiako eta Gipuzkoako txapelketak
Gipuzkoako aulki mugikorreko Liga...
Ourensen ospatu zen aulki mugikorreko distantzia luzeko Espainiako Txapelketa
Santiagotarrak taldeko arraunlariek aulki mugikorreko distantzia...
Hondarribia Arraun Elkarteak antolatu zuen aulki mugikorreko Euskadiko Txapelketako azken jardunaldia
Euskadiko aulki mugikorreko...
Orioren aitzinetik helmugaratu zen Hondarribiako klubeko zortzikotea
Aulki mugikorreko Gipuzkoako distantzia luzeko txapelketaren hirugarren...
Bidasoa ibaia protagonista izan zen pasa den asteburuan ere, Ur Bizietako Euskadiko Kopa jokatu baitzen bertan
Aulki mugikorreko arraunlariek...