Erromoko Eskubaloiaren kontra aritu ziren finalean eta 20-41ko markagailuan gainditu zituzten ermuarrak
Bidasoa Irunek Euskal Kopako finalean...
22 Mar, 2024
Ibilbide berri honetan, CD Bidasoako presidenteak, Gurutz Aginagaldek, bere babesa adierazi nahi izan du eta 2019ko udatik dauden harremanak sendotu
Hondarribia Eskubaloiak bere Zuzendaritza Batzorde berria aurkeztu du, iaztik Juan Luis Silanes buru duena. Taldea Hondarribiko emakume eta gizonek osatzen dute eta, ibilbide berri honetan, CD Bidasoako presidenteak, Gurutz Aginagaldek, bere babesa adierazi nahi izan du eta 2019ko udatik dauden harremanak sendotu.
Zuzendaritza Batzorde berria Juan Luis Silanes Aguirrek (presidentea) eta Ainhoa Larrarte Azpillaga, Beñat Emazabel Ceberio, Joseba Sánchez Galarza, Javi de la Haza Martínez, Gorka Galea Noceda, Ander Elizalde Aguirre eta Mertxe Tife Iraola bokalek osatzen dute. Joan den ikasturteaz geroztik, "klubak Hondarribian hainbat ekintza garatzeko lan egiten du, hala nola hiriko haurrekin kalean egiten diren ekitaldiak, CD Bidasoako jokalariek Hondarribiko ikastetxeetara egiten ari diren bisitak... Hondarribia Eskubaloiaren prestakuntza eta gizarte proposamena Hondarribiko maila guztietara helarazi nahi dugu", azaldu du Silanesek.
Hondarribiko kirol- eta erakunde-eragileekin batera lan eginez, zuzendaritza berriak bere gain hartu duen helburu nagusia da "kluba haztea, kirol osasungarria lehen taldearen bidez sustatuz, gaur egun Lehen Nazional mailan erreferentea dena". Emakumezkoen eskubaloia sustatzeko plan bat ere planteatu da, Hondarribia Eskubaloi Eskolako lehenengo emakumezko kideekin: "Jarraipena eman nahi dugu emakumezkoen taldeen lerro bat sortuz hurrengo urteetan. Hondarribiko eskubaloiaren aldeko apustua egiten dugu, euskalduna eta berdintasunezkoa, eta 2012, 2013, 2014 eta 2015 urteen artean jaiotako Hondarribiko gazteak kirol modalitate hau probatzera animatzen ditugu".
Horrez gain, ibilbide berri honetan, CD Bidasoako presidenteak, Gurutz Aginagaldek, bere babesa adierazi nahi izan du eta 2019ko udatik dauden harremanak sendotu: "Urte batzuk daramatzagu bi klubek elkarrekin lanean eta talde berri honekin aurrera pausoak ematen jarraituko dugu”.
Harreman formalizatua
Ricardo Fernández Hondarribia Eskubaloia taldeko presidente zela, erakunde hondarribitarraren eta CD Bidasoaren arteko bat-egitea lortu zen, eta kolore berdeko taldea filiala izan zen Irungo lehen taldearen ondorio guztietarako. Akordio horrek lau urte iraun zuen, eta 2003an hautsita geratu zen; 2019ko udan berriz elkartu zen. Urte hartako abuztuaren 20an, CD Bidasoak eta Hondarribia Eskubaloiak lankidetza- hitzarmen bat sinatu zuten indarrean jarraitzen duena.
Kirol-araudiak jasotzen dituen kluben arteko akordio-aukeren artean dago kirol-eskubideak lagatzea, horixe baita kirol-erakundeen arteko lotura-formularik errazena. Hondarribia Eskubaloia eta CD Bidasoak beraz, euren nortasunari eusten diote, nahiz eta kirol egiturak koordinatu egiten diren, eta horrela, Plenitude Ligan lehiatzen den lehen talde horiari bigarren talde hondarribiarra jarraitzen dio, Espainiako eskubaloiaren Lehen Nazional mailan lehiatzen den taldea.
Erromoko Eskubaloiaren kontra aritu ziren finalean eta 20-41ko markagailuan gainditu zituzten ermuarrak
Bidasoa Irunek Euskal Kopako finalean...
Euskal Kopa bereganatu ondotik, Bidasoa Irunek Frigorificos del Morrazo jasoko du bihar (apirilaren 26an) Artalekun
Bidasoa Irunek Euskal Kopa...
Jacobo Cuetararen mutilek ezin izan zuten Ademar Leon garaitu eta 33-32ko markagailuarekin galdu zuten bertan
Bidasoa Irunek 33-32ko...
Bidasoa Irunek Ademar Leon bisitatuko du igande honetan, apirilaren 21ean, 17:00etan
Bidasoa Irunek Ademar Leonen kontrako partidua jokatuko du...
Irun 2029ko Emakumezkoen Munduko Eskubaloi Txapelketaren egoitza izendatu zuten atzo Parisen
Irun 2029ko Emakumezkoen Munduko Eskubaloi...
Blendio Sinfinen kontra 36-24ko emaitzarekin irabazi zuen talde horiak Artalekun
Bidasoa Irunek garaipena eskuratu zuen pasa den larunbatean etxean,...