Plaiaundin elkartuko dira adin guztietako errugbilariak arratsaldean partiduak jokatzeko
Denboraldia bukatuta, eta hau bera ospatzeko, Txingudi...
27 Mar, 2019 Irun, Rugby, Zaisa Txingudi Rugby Club Irun
Zaisa Txingudi Rugby Klubak igoera faseko lehen norgehiagokan Sarako Izarraren aurka galdu eta gero, larunbat honetan emaitza bera errepikatu zuen Errioxaren aurka
Aukera gutxi geratzen zaizkio Zaisa Txingudi Rugby Klubari bere 50.urteurrenean mailaz igotzeko lehen bi jardunaldietan porrota jaso ondoren. Sarako Izarraren eta Errioxaren aurka aritu dira fase berri honetan eta puntu gutxiengatik, garaipena eskapu egin zaie bidasoatarrei. Hurrengo astean, Elorriori garaipena lapurtzera behartuta daude.
Larunbateko neurketa oso indartsu hasi zuen Zaisa Txingudi Rugby Klubak, erritmo bizia ezarri zuten Plaiaundiko zelaian eta neurketa etxeko taldearen menpe zegoen. Hain zuzen, laugarren minutuan Zaisa Txingudi Rugby Klubak partiduko lehen entsegua lortu zuen mele baten irteeran (7-0). Neurketa modurik onenean hasi zuten bidasoatarrek, baina errioxarrek azkar erreakzionatu zuten eta defentsa erasokor baten bidez azkar hasi ziren Zaisa Txingudi Rugby Klubaren zelaian jokatzen. Eragindako presioak fruituak jaso zituen eta zortzigarren minutuan kanpoko taldeak partiduko lehen entsegua lortu zuen (7-5).
Neurketa oso berdinduta zegoen, baina pixkanaka pixkanaka baloiaren kontrola Errioxak eramaten hasi zen. Horrela, 22.minutuan toucheko jokaldi baten ondoren, entsegua lortu zuten eta 7-12koa ezarri zuten markagailuan. Kanpoko taldearen minutu onenak ziren horiek eta bikain baliatu zituzten, izan ere, mele baten ondoren hirugarren entsegu bat lortu zuten 25.minutuan (7-19).
Markagailu honekin atsedenaldira iristen zen, Zaisa Txingudi Rugby Klubak ondo hasi zuen norgehiagoka baina minutuen poderioz erasoan ideirik gabe geratu ziren.
Bigarren zatian markagailuari buelta eman behar zion etxeko taldeak, eta hori gauzatzeko ideiarekin irten ziren zelaira. Pase askoko jokaldi bikain baten ondoren, 49.minutuan Carlos Lorak Zaisa Txingudi Rugby Klubaren bigarren entsegua lortu zuen (12-19). Zuen guztiarekin gurutzatu zuen marra. Ez zen nahikoa eta etxeko taldeak defentsako lana areagotu zuen markagailuan hurbiltzeko. Touchetan eta meleetan hobeagoak ziren, denbora asko igarotzen zuten Errioxaren zelaian eta asko saiatu hostean, gauzatutako zigor kolpe baten bidez lau puntura hurbildu ziren (15-19).
Aldea oso txikia zen eta bidasoatarrek borrokan jarraitzen zuten, baina errioxarrek bikain eutsi zioten defentsan eta ez zuten zirrikiturik uzten Zaisa Txingudi Klubak entsegurik lortzeko. Asko saiatu ostean, azkenean Errioxak bigarren zatian izan zuen aukera bakarrenetarikoan norgehiagokako laugarren entsegua egin zuten 78.minutuan (15-26). Norgehiagoka erabat apurtu eta erabakita utzi zuten.
Berriro ere puntu gutxiko aldearengatik porrota jasan zuen Zaisa Txingudi Rugby Klubak, detaileengatik neurketa Errioxarrek eraman zuten, baina askotan detaileetan nabaritzen da aldea. Esan bezala, bi porrotekin larunbat honetan 16.30etan Elorrioren zelaia bisitatuko dute, garaipena eskuratzeko beharretan daude bidasoatarrak mailaz igotzeko ametsan pentsatzen jarraitzeko.
Plaiaundin elkartuko dira adin guztietako errugbilariak arratsaldean partiduak jokatzeko
Denboraldia bukatuta, eta hau bera ospatzeko, Txingudi...
Txingudi Rugby Klubeko taldeak ezin izan zuen Sarako Izarra garaitu eta bigarren postuan bukatu du senior mailako bere lehen denboraldia
Ligako...
Ligako B multzoko lider moduan buka dezake modu ofizialean lehiatu duen lehen denboraldia
Biok Txingudik bukaera emanen dio asteburu honetan Ligari....
Txingudi Rugby Klubeko 14 urtez azpiko taldeak ezin hobe bukatu du denboraldia
Txingudi Rugby Klubeko 14 urtez azpiko Txingudi/Baztan taldeak...
La Unica taldea jasoko dute 14 urtez azpiko taldeak finala jokatzeko, maiatzaren 11n 11:00etan
Txingudi Rugby Klubeko taldeak denboraldi bukaerara...
Arrasate/Eibar Bri 27-22ko markagailuarekin irabazi zion mugako taldeak eta honela, sailkapeneko bigarren postura igo da
Biok Txingudik 27-22ko...