Bidasoa Irunek Ademar Leon bisitatuko du igande honetan, apirilaren 21ean, 17:00etan
Bidasoa Irunek Ademar Leonen kontrako partidua jokatuko du...
11 Mai, 2021
Astebetean birritan mendean hartu du Escolapios talde bilbotarra eta 1. Maila Nazionalera igotzeko finala Zarautzen kontra jokatuko du.
Birritan eta aurrean zuen aurkariari aukerarik eman gabe sailkatu da Ilcapo Hondarribia Euskadi Senior Ligako igoera faseko finalean. Asteazkenean, joaneko neurketa jokatu zuen talde hondarribitarrak bilbon, bost goleko aldea eskuratu zuten (21-26) eta itzulikoan, Hondarribian, ez zuten barkatu. Nahiz eta atsedenaldira 17-17 berdinketarekin iritsi, Aitor Etxaburuk zuzentzen duen taldeak 33-28 garaitu zituzten bilbotarrak.
Bost goleko errenta erosoa zuen Ilcapo Hondarribiak, baina finalerdietan talde bat ezin da erlaxatu eta gutxiago talde bizkaitarra aurrean duzunean. Oso bizi eta berdintsu hasi zen neurketa. Escolapiosek neurketako hastapenetan Ilcapo Hondarribia urduritasunarekin jokatu nahi zuen (8-9, 15.minutuan), baina Bidasoaren harrobiko taldeak sendo erantzun zien talde bilbotarraren eraso bakoitzari. Bost goleko errenta era erosoan kudeatu zuen etxeko taldeak eta Eneko Furundarenak azken segunduan eginiko golaren bitartez, lehen 30 minutuak 17-17 berdinketarekin bukatu ziren.
Escolapiosek geroz eta denbora gutxiago zuen neurketa eta kanporaketa iraultzeko; Ilcapo Hondarribiak, aldiz, bikain ekin zion bigarren zatiari eta bilbotarren esperantza guztiak zapuztu zituen. Tantaka-tantaka, markagailua handitzen joan ziren. Lehendabizi, bi goleko errenta lortu zuten (22-20, 40.minutuan); ondoren, laukoa (25-21 45.minutuan), eta azkenean, 33-28 garaitu zuten. Azken minutuetan, Ilcapo Hondarribiaren minutu onenak ikusi ziren, jokalariak disfrutatzen hasi eta presio oro gainetik kendu zuten.
7 gol eskuratu zituelarik, norgehiagokako jokalari erabakigarriena Hugo Martiarena izan zen. Eneko Furundarenak eta Mikel Galanek bosna gol erdietsi zituzten eta Gorka Nietok zein Markel Martinek 4 egin zituzten.
Gauzak horrela, denboraldian zehar neurketa bakar bat ere galdu gabe Euskadiko Senior Ligako finalean sartu da Ilcapo Hondarribia. Aurrean, beste talde gipuzkoarra izango du: Txikipolit Zarautz Eskubaloi Elkartea. Bidasotarren eta Zarauztarren arteko derbiak beti dira lehiakorrak, datorrena finala izanik, ez da gutxiagorako izango. Neurketa batek erabakiko du Ilcapo Hondarribiak 1.Maila Nazionalerako borrokan segituko duen ala ez.
Bidasoa Irunek Ademar Leon bisitatuko du igande honetan, apirilaren 21ean, 17:00etan
Bidasoa Irunek Ademar Leonen kontrako partidua jokatuko du...
Irun 2029ko Emakumezkoen Munduko Eskubaloi Txapelketaren egoitza izendatu zuten atzo Parisen
Irun 2029ko Emakumezkoen Munduko Eskubaloi...
Blendio Sinfinen kontra 36-24ko emaitzarekin irabazi zuen talde horiak Artalekun
Bidasoa Irunek garaipena eskuratu zuen pasa den larunbatean etxean,...
Aste lanpetu bati bukaera emateko, Bidasoa Irunek Blendio Sinfin taldea jasoko du bihar, apirilaren 13an, Artalekun
Aste gogorra izan du Bidasoa...
Fundacion Agustinos Alicante taldea gainditu zuen atzo talde horiak txapelketako hirugarren kanporaketan
Bidasoa Irun Errege Kopako azken faserako...
Jacobo Cuetararen mutilek 30-30eko markagailua erdietsi zuten beraien aurkari zuzena den taldearen kontra
Bidasoak puntu garrantzitsua eskuratu zuen...