07 Api, 2023
Real Unionek Real Murtzia jasoko du igandean (apirilaren 9an) Stadium Galen, 16:00etan
Real Union eta Real Murtziak elkarren kontra jokatuko dute asteburu honetako jardunaldia. Stadium Galen arituko dira bi taldeak igandean (apirilaren 9an), arratsaldeko 16:00etan. Txuribeltzak garaipenaren beharretan daude oraindik, baina aurkariak ez die lana erraztuko.
Iñaki Goikoetxeak badaki nolakoa den etxera heldu zaion aurkaria: “Badakigu zein den taldea eta dituen jokalariak, batez ere aurrekoak. Badakigu zein den beraien helburua, bigarren mailara igotzea. Horretarako, oso talde lehiakorra egin dute”. Honez gain, “azken ia bi hilabeteotan ez dute partidatik galdu”, entrenatzailearen erranetan. Ez dituztenak irabazi, berdindu dituzte, baina jakinarazi duenez, “gol gutxi jasota”. Hau dena ikusirik, argi dago Real Murtzia talde “oso sendoa” dela.
Honen aitzinean, Real Unionek bere lanean jarri beharko du begirada. Goikoetxean adierazi duenez, “hutsuneak bilatu behar” dizkiote aurkariari eta “mina non ematen ahal duten” ikusi. Horretarako, azken asteburuko garaipena oso positiboa izan dela azpimarratu du prestatzaileak: “Garaipen guztiak dira positiboak, baita hau ere. Konfiantza eman digu honek. Hala ere, hau ahantzi eta hurrengo neurketari begira jarri behar gara. Irabazi behar horrek berri ere etxean izanen dugun partidura eramaten gaitu eta hori atera behar dugula pentsatzera”.
Jeitsiera postuetatik aldentzea izanen da bertze behin etxeko taldearen helburua igandean. Ez da erraza izanen, aurkaria ikusirik, baina ahal den mailarik onena emanen du Iñaki Goikoetxearen taldeak puntuak ihes egitea sahiesteko.
Hernaniren kontra 3-1 irabazi zuen Carlos Garciaren taldeak, azken hiru puntuak poltsikoratuz
Real Unión Roca: Rodríguez; Cabo, Pinillos,...
Deportivoren kontra 3-1 galdu bazuen ere, bertze taldeen emaitzek ahalbidetu dute talde txuribeltzak maila mantentzea
Real Unionek denboraldiko...
Real Unionek Deportivo de la Coruña liderraren kontrako partiduarekin bukatuko du denboraldia
Lehen RFEF mailako taldeek ere asteburu honetan...
Unai Gordok bere atean sartutako gol baten ondorioz, Mutrikuk eraman zuen garaipena
Mutriku FT: Arambarri; Etxebarria, Blanco...
Talde txuribeltzak Fuenlabrada garaitu zuen (2-1) luzapenean Bazek sartutako gol bati esker
Real Unionek denboraldiko azken aurreko jardunaldia...