Letamendiak penaltiz sartutako golari esker jardunaldiko hiru puntuak etxean gelditu ziren
Real Unión Roca: Rodríguez; Arteaga (Fernández,...
05 Mai, 2023
Real Unionek Alcoyano bisitatuko du bihar (17:00), bertze hiru puntu gehitzeko helburuarekin
Real Unionek azken lau partiduei aurre egin beharko die hemendik aitzinera. Bertze lau final izanen ditu heldu diren asteburuotan eta lehenengoa, bihar bertan izanen da. Maiatzaren 6an, 17:00etan, Alcoyano bisitatuko du talde txuribeltzak eta irabazteko asmo irmoarekin aterako dira jokalariak zelaira.
Pasa den asteburuko garaipenak “konfiantza” eman diela argitu du Iñaki Goikoetxea entrenatzaileak. Hala ere, astean zehar hizketan egon ondotik, kontziente dira oraindik ere jeitsiera postuetan daudela: “Ez dugu deus lortu, oraindik ere jeitsiera postuetan gaude eta gutxienez bi partidu irabazi beharko ditugu orain”.
Ez da erraza izango, alegia. “Hurbildu gara beste taldeen multzo horretara, baina gero eta talde gehiago gaude hor lau punturen barruan eta bukaeraraino horrela egonen gara”, erran du Goikoetxeak. Gaineratu duenez, “oso elkarteak egongo gara eta biharko partidua beste final bat izango da”. Edonola ere, txuribeltzak “gogotsu daude dinamika onean jarraitzeko eta puntuak etxera bueltan ekartzeko”.
Bihar Alcoyano izanen du Real Unionek aurrez aurre, arratsaldeko 17.00etatik aitzinera. Valentziarren zelaia “Galen antzekoa da luzeraz, baina estua”, jakinarazi du prestatzaileak. Horregatik, “gauzak oso azkar” egin beharko direla onartu du Goikoetxeak: “Presioa egiten dute, gainean egoten dira eta bakarkakoetan ere presio handia jartzen dute. Azkar egin beharko dugu lan, baita erabakiak azkar hartu ere. Ditugun aukerak aprobetxatu behar ditugu eta atzean sendo egon”.
Horrela, bertze hiru puntu gehiago batzeko helburuarekin izanen dira txuribeltzak bihar Alcoyen. Azken lau partiduak ditu jeitsiera postuetatik aldentzeko eta hori begiz jota izanen dute Iñaki Goikoetxearen mutilek.
Letamendiak penaltiz sartutako golari esker jardunaldiko hiru puntuak etxean gelditu ziren
Real Unión Roca: Rodríguez; Arteaga (Fernández,...
Unionistas de Salamanca garaitu zuten etxean eta jeitsiera postuetatik aldentzen hasiak dira txuribeltzak
Real Unionek garaipen garrantitzusa lortu...
Real Unionek Unionistas de Salamanca jasoko du igandean, apirilaren 21ean, Galen 18:00etan
Real Unionek final baten moduko bertze partidu bat jokatu...
1-3ko markagailuarekin txuribeltzek garaipena eskuratu zuten Garmendipen, Lagun Onak B taldearen kontra
CD Lagun Onak B: Madrazo; Arizmendi,...