36 kirolarik hartu zuten parte guztira eta balorazio hagitz positibo egin dute Irungo klubetik

Lur Alai Squash Klubak Urte Berriko Txapelketa ospatu zuen urtarrila hasieran. 36 kirolarik hartu zuten parte guztira eta, senior mailan, Ione Iturria eta Xabi Azaldegi nagusitu ziren. Gazte mailan aldiz, klubeko Unax Mariezkurrenak irabazi zuen, bere bikaintasuna berriz ere pistetan erakutsiz.

Gorka Arretxe Lur Alai Squash Klubeko ordezkariak 2023ko urteko azken txapelketaren balorazioa egin digu, baita 2024ko lehenarena ere, Urte Berriko Txapelketarena. Horrez gain, 2023an klubak bere hamargarren urteurrena ospatu zuen eta urtean zehar antolatutako ekitaldien balorazioa ere egin digu Arretxek. Azkenik, 2024rako planteamendua azaldu digu, tartean Alizia Txoperena Txapelketaren bigarren edizioa ospatzearena.