Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
08 Aza, 2023
Bidasoak Granollers jasoko du bihar, azaroaren 9an, Artalekun eta etxekoen entrenatzailearentzat ASOBAL Ligako partidurik onena izanen da
Bidasoa Irun ikuskizun ederrarekin itzuliko da bihar, azaroaren 9an, lehiaketara. Artalekun ariko da, zaleen aitzinean, eta Granollers bidasotarren aurkari zuzena jasoko du 20:00etan. Jacobo Cuetararentzat Plenitude ASOBAL Ligako partidurik onena da, bi taldeek euren artean duten berdintasunagatik, eta beraz, ikuskizun izugarria izanen dela ere argi du.
Txapelketa Panamerikanoak eragin duen atsedenaldiaren ondotik, Plenitude ASOBAL Liga bueltan da Artalekun, Jacobo Cuetara entrenatzaileak adierazi bezala, “ikuskizun izugarriarekin”. Bidasoak Granollers jasoko du bihar, “denboraldiko lehen itzuliko aurkari zuzena” dena. Bi talde hauek, azken urteetan, sailkapeneko lehen postuengatik borrokan egon dira eta berdintasuna da nagusi euren artean. Horregatik beragatik, “lehiaketa modu ezin hobean” hasiko da berriz ere Irunen, entrenatzaileak azpimarratu duenez.
Bidasoa jardunaldirik galdu gabe ailegatuko da biharko neurketara eta sasoi onean daudela erakutsi dute. Hala ere, Cuetarak onartu du aurkaria maila handikoa dela eta beraiek ere lan ona egin dutela orain arte: “Artalekura datorren aurkaria maila handikoa da, baina beraiek gauza bera pentsatuko dute gutaz. Gu baino bi puntu guttiago dituzte, baina neurketa bat gehiago jokatu dute. Oso ondo hasi dute denboraldia eta bataz bertzeko honekin segituz gero, pasa den urteko puntu kopuru bera izanen dute denboraldi bukaeran”.
Horrez gain, Granollersek ez ditu nazioarteko hainbertze jokalari eta beraz, biharko partidua prestatzeko astia izan dute. Bidasoak aldiz, saio bakarra izanen du jokalari guztiekin hitzordu honen aitzinean. Gainera, etxekoek hiru baja izanen dituzte biharko: Rodrigo Salinas, orkatilan lesio bat duena; Matheus da Silva, sorbaldan lesio batekin; eta Eneko Furundarena, behatz bat mindua duena. Abantaila hori izanen dute kataluniarrek, baina edonola ere, “emaitzak ez ditu orain arteko garaipenak estaliko”.
Aurkariari aitzin egiteko gakoaren inguruan, “gure mailarik onena ematen saiatzea” izanen dela, argitu du Cuetarak: “Zaila da Granollersi partzialak egitea, eta garesti ordaintzen dira egiten diren akatsak. Azken astean bananduak egon garela eta baja garrantzitsuak ditugula kontuan hartuta, ahalik eta maila onena ematea izanen da gure helburua. Horrez gain, Artaleku ere inportantea izanen da. Artaleku lehertu behar dugu, leporaino bete eta taldea babestu. Lehen itzuliko partidua izanen baita hau”.
Biharko partidua berezia izanen da beraz, bai taldeentzat baita zaleentzat ere. Ikuskizun izugarria izateaz gain, euren artean “miresmena” nagusi dela aitortu du Jacobo Cuetarak eta “batak bertzea goraipatzen duela beti”. Horrela, puntuak etxean geratzea nahi dute bidasotarrek eta horregatik borrokatu dute Granollersen aitzinean.
(Argazkia: Arrate Morales)
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...
Bidasoa Irunek bihar, maiatzaren 3an, bisitatuko du Huesca bere helburuak lortzeko neurketa garrantzitsu bat jokatzeko
Bidasoa Irunek Huesca...
34-23ko markagailua erdietsi zuen talde irundarrak Frigorificos del Morrazoren kontra atzo Artalekun
Bidasoa Irunek bertze bi puntu garrantzitsu...
Erromoko Eskubaloiaren kontra aritu ziren finalean eta 20-41ko markagailuan gainditu zituzten ermuarrak
Bidasoa Irunek Euskal Kopako finalean...