Bidasoa Irunek bihar, maiatzaren 3an, bisitatuko du Huesca bere helburuak lortzeko neurketa garrantzitsu bat jokatzeko
Bidasoa Irunek Huesca...
07 Ira, 2022
Bidasoak ostiral honetan jokatuko du lehen aldiz Artalekun Cangas taldearen kontra
Bidasoak ostiral honetan eginen dio aurre denboraldiko bigarren jardunaldiari. Oraingo honetan, Cangas talde galiziarra jaso beharko du etxean arratsaldeko 19:00etan. Lehen aldia izanen da Artalekun jokatzen dutela eta horrek “urduritasun puntu” bat ematen duela aipatu du Borja Burguete bigarren entrenatzaileak. Hala ere, talde irundarra gogoz dago zaleen berotasuna sentitzeko.
Aurreko asteburuko porrota gainditu behar dutela aipatu du Jacobo Cuetarak. “Neurketa guztien ondotik beti izaten ditugu analisirako pare bat egun, eta gero hurrengo partidari begira jartzen gara. Jardunaldi guztiak zailak dira eta etorkizunera begiratu behar dugu”, erran du entrenatzaileak. Aste honetako analisia “betikoa” izan dela ere gaineratu du, “ez zaiola buelta gehiegirik eman behar”.
Cangas taldearen inguruan, “2018ko urritik ez gaituzte irabazi”, jakinarazi du Cuetarak. “Denbora guzti honetan, berdinketa asko izan ditugu beraien kontra, kontuan hartuta gu beti faboritoak izan garela”, aipatu du. Horren harira, “asko borrokatu behar izan dugu beraiek gainditzeko. Beti kosta egin zaigu”, onartu du prestatzaileak. Talde galiziarrak eboluzio bat izan duela ere adierazi du asturiarrak eta partida zaila izanen dela: “Iaz ezustekoa eman zuen taldea izan zen, batez ere lehen itzulian. Orain ere oso ongi jokatzen ari dira, hemen irabazteko moduan. Fitxaketak onak egin dituzte eta gazteen taldeak aurrera egin du eta geroz eta hobeak dira”.
Hala ere, etxean jokatzeak beti indarra ematen dio Bidasoari eta zaleen berotasuna oso garrantzitsua da beraientzat. “Partidak irabaztea kostako zaigu eta hori kontuan hartu behar dugu. Etxean, batez ere, zaleen babesa beharko dugu. Hori gehigarri bat izanen da guretzat, Artalekun ahalik eta puntu gehien lortzeko”, azpimarratu du Jacobo Cuetarak.
Bidasoa Irunek bihar, maiatzaren 3an, bisitatuko du Huesca bere helburuak lortzeko neurketa garrantzitsu bat jokatzeko
Bidasoa Irunek Huesca...
34-23ko markagailua erdietsi zuen talde irundarrak Frigorificos del Morrazoren kontra atzo Artalekun
Bidasoa Irunek bertze bi puntu garrantzitsu...
Erromoko Eskubaloiaren kontra aritu ziren finalean eta 20-41ko markagailuan gainditu zituzten ermuarrak
Bidasoa Irunek Euskal Kopako finalean...
Euskal Kopa bereganatu ondotik, Bidasoa Irunek Frigorificos del Morrazo jasoko du bihar (apirilaren 26an) Artalekun
Bidasoa Irunek Euskal Kopa...
Jacobo Cuetararen mutilek ezin izan zuten Ademar Leon garaitu eta 33-32ko markagailuarekin galdu zuten bertan
Bidasoa Irunek 33-32ko...
Bidasoa Irunek Ademar Leon bisitatuko du igande honetan, apirilaren 21ean, 17:00etan
Bidasoa Irunek Ademar Leonen kontrako partidua jokatuko du...