Talde txuribeltzak hutsera berdindu zuen etxean Cultural y Deportiva Leonesa taldearen kontra
Real Unionek hutsera berdindu zuen, pasa den...
14 Eka, 2021
Talde txuri-beltzak bidalitako iruzkin ofizialaren arabera, zuzendaritza taldeak bost jokalari horiei kontratua ez berritzea iradoki duela jakinarazi du.
Real Unionek ez die Jorge Galani, Mikel Azkoitiri, Jon Madrazori, Aritz Bordari eta Guille Donosori kontratua luzatuko, hala adierazi du talde txuri-beltzak gaur bidalitako prentsa oharran. Egun, bost jokalariak askeak dira beste talde batzuekin kontratua negoziatzeko, beren ibilbidea Irundik kanpo jarraitzeko.
Aldagelan pisu handia duten jokalariak dira talde utziko dituztenak. Jorge Galanek 222 neurketa jokatu ditu talde txuri-beltzarekin eta 75 gol erdeitsi dituelarik, klubeko zazpigarren golegile nagusiena da, Santiago Urtizberea, Juanito Errazkin, Luis Regueiro, Patricio Arabolaza, Rene Petit eta Victoriano Michelenaren atzetik. Hala nola, Mikel Azkoitik 188 norgehiagoka jokatu ditu Real Unionekin; aurtengo denboraldian, biak izan dira taldeko kapitainak, baina aurrerantzean, talde berri baten aritu beharko dira.
Denbora gutxian aldagelan pisu handia izan duen jokalaria Jon Madrazo da. Ortuellarra pasaden denboraldian iritsi zen Stadium Galera eta bere indarraren ondorioz, Aitor Zulaikaren hasierako hamaikakoan tokitxoa lortu zuten. 28 neurketetan bi gol egin ditu, baina hori baino gehiago egin du Madrazok Real Unionen. Taldearen izaera berreskuratzeko gizon garrantzitsua izan da.
Aritz Bordaren kasua bestelakoa da. Ibilbidea luzea izandako futbolaria da bera eta aurtengo sasoian gutxitan izan du zelairatzeko aukera. 3 neurketa besterik ez ditu jokatu aurten eta taldean jarraituko ez zuela aurreikus zitekeen. Hala ere, jokatu duen bakoitzean, zuhurtzia eta ziurtasun handiarekin aritu da defentsako erdigunean.
Azkenik, aurten bere maila erakusteko aukera gutxi izan dituen Guille Donosok ere taldea utziko duelako berria aipatu behar dugu. Denboraldi-hasiera bikaina izan zuen jokalari asturiarrak, baina lesioek eragotzi zioten jokatu beharreko minutuak baino gehiago jokatzea. Ponferradinarik utzita iritsi zen iazko udan eta bertara bueltatuko da.
Real Unionek aditzera eman duenez, “beraien profesionaltasuna eskertu nahi dugu eta etorkizunerako zorterik onena opa nahi diegu. Klubak omenaldi ekitaldi batean lanean dabil Jorge Galánek eta Mikel Azkoitik klubari eta zaletuei agur esateko aukera izan dezaten, Real Unionen 8 denboraldi igaro ondoren”.
Talde txuribeltzak hutsera berdindu zuen etxean Cultural y Deportiva Leonesa taldearen kontra
Real Unionek hutsera berdindu zuen, pasa den...
Real Unionek bihar, maiatzaren 4an, jasoko du Cultural y Deportiva Leonesa taldea (19:00), 1924ko Koparen garaipenaren mendeurrenean
Real Union ere...
Doladok azken minutuan sartutako penaltiari esker berdindu zuen talde txuribeltzak
Real Unión Roca: Rodríguez; Poirier (Dolado, min. 70),...
Benitok sartu zuen bigarren zatian talde txuribeltzaren gola, baina ez zen nahikoa izan Svenssonek sartutako biak berdintzeko
Real Unionek 2-1 galdu...