Eider Tapiak eta Haizea Urretabizkaiak 2022. urtean debutatu zuten Super Amara Bera Bera taldeko maila gorenean. Tapia denboraldi hasieran hasi zen taldearekin jolasten eta Urretabizkaia, berriz, maiatza aldera. Haizea Urretabizkaia, gainera, Ligako eta Super Kopako txapelduna izan da taldearekin. Eider Tapiari Junior Selekziotik ere deitu zioten. Garaipen guzti horiengatik Irundarron Saria jasotzeko proposatuak izan ziren.