Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
28 Ots, 2021
Bidasoak ezin izan du Bada Huescaren aurka bolada honari segida eman, etxekoak oso nagusi izan dira eta 29-23 garaitu dituzte irundarrak.
Bada Huesca oso nagusi izan da. Errege Kopari ekin aurretik, Bada Huescak 29-23 menderatu du Bidasoa eta irundarrek ezin izan dute garaipen berri bat erdietsi. Lehen aldeak eta golak Adrian Crowley eta Julen Aginagalderenak izan diren arren, zortzigarren minutuan etxekoek 4-2ko lehen errenta nagusia lortu dute.
Bada Huescak defentsako lan oso serioa egin du lehen zati osoan zehar, eta Espinha atezainak sekulako lana egin du atepean. Argi zuten garaipena minutuz minutuko lanaren bitartez lortuko zutela eta horrela egin dute. Bidasoak gorriak pasa ditu lehen 30 minutuetan, bost golengatik galtzen joan da Jacobo Cuetararen taldea. Ordea, lehen zatiko azken minutuetan Bidasoak errendimendua hobetu du eta atsedenaldira 13-10ko markagailura murriztu du aldea.
Bide onetik hasi du bigarren zatia Bidasoak. Aginagaldek 13-11ko gola egin du eta bosgarren minutuan norgehiagokako lehen berdinketa gauzatu dute (17-17). Aurretik jartzeko gol psikologikoa erdiesteko bi abagune izan ditu Bidasoak, baina Espinha atezainak saiakerak aldendu ditu. Etxeko taldeak hutsartea eskatu behar izan du neurketan berriz kokatzeko eta irteterakoan, neurketa lehen zatiko errelatora itzuli da. Gutxinaka, Bada Huesca aldea handitzen joan da eta amaieran, sailkapeneko hirugarrenak bigarrena 29-23 menderatu du.
Aukera paregabea zuen Bidasoa Bada Huesca garaitu eta Asobal Ligako bigarren postua sendotzeko, baina porrota jasan ostean, Bada Huesca hiru puntutara hurbildu zaio. Une honetan, Bidasoak 33 puntu ditu eta Bada Huescak 30. Hala ere, 22.jardunaldia jokatuta, Bidasoaren hurrengo deialdia BM Benidormen aurka izango da, Errege Kopako txapelketan.
Fitxa teknikoa
29 – Bada Huesca (13+16): Espinha, Montoya (4), Adrià Pérez (3), Mosquera (2), Marcelo (6), Sergio Pérez (1), Pinto (9, 4 p.); Broto, Arguillas, Carmona, Tioumentsev (1), García (1), Rodrigo (1), Gucek (1), Malo, Asier Nieto.
23 - Bidasoa Irun (10+13): Sierra, Cavero (1), Crowley (4), Julen (5), Salinas (5, 2 p.) Tesoriere, Bonanno; Larrarte, Racotea (2), Zabala, Kauldi, Serrano, De la Salud (2), Azkue (4), Da Silva, Nieto.
Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...
Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...