Entrenatzaile galiziarrak Real Unionen eskaintza mahai gainean izan du, baina Ponferradina eta Algeciras taldeetatik jaso dituen eskaintzei lehentasuna eman...
02 Eka, 2021
Luis Sanchezek, Beñat Ollok eta Imanol Rekartek Real Unionen harrobiko lana hauspotuko duen lantaldea osatuko dute. Hastapeneko, formazioko eta errendimenduzko sailak sortu dituzte.
Gorka Etxeberriak, Real Unioneko Kirol Zuzendariak, duela aste batzuk eginiko agerraldien iragarritako zenbait neurri egikaritzen hasi da. Harrobiko lana goraipatu eta ildo horretan lan gehiago egiteko konpromisoa erakutsi zuen. Hala, harrobia eraberritu eta metedologia hobetzeko lantaldea osatu du talde irundarrak. Luis Sanchezek, Beñat Ollok eta Imanol Rekartek jokalari gaztetxoen gaitasunak gertutik zainduko dituzte.
Sanchez futbol eskolan eta kimu mailan zentratuko ditu indarrak. Futbol eskolaren zaintzan eta kimu mailako jokalarien garapenaz arduratzeaz gain, Errealarekin eta Real Unionek hitzarmena duen eskualdeko futbol taldeekin harremana mantentzeaz arduratuko da. Behe Bidasoa eskualdeko futbola bikain ezagutzen du Sanchezek, CD Behobiako maila guztietako entrenatzailea izandakoa da, baita Real Union eta Hondarribia F.E. ere.
Beñat Ollok haur eta kadete mailen gidaritza lanak hartuko ditu. Ollo Real Unioneko harrobiko jokalari ohia da, hamar urte igaro zituen talde irundarraren harrobiko taldeetan jokatzen. Ondo ezagutzen du Stadium Gal barrutik, jokalari garaiak alde batera utzita, duela 6 urte futbol eskolako eta udarako kanpuseko entrenatzailea izan zen. Hori gutxi ez eta aurtengo denboraldian Ohorezko Haur mailako bigarren entrenatzailea izan da.
Azkenik, Imanol Rekartek errendimenduaren sailaz arduratuko da. Real Unionen bigarren taldeak eta jubenil mailako taldeak jauzi kualitatibo bat matea izango du xede. Beñat Olloren antzera, Rekarte Real Unioneko jokalari izandakoa, 5 urte eman zituen talde irundarrean jokatzen. 17 urte zituela, entrenatzaile izan nahi zuela konturatu eta 24 urteak bete arte, Real Unionen kimu, kadete eta jubenil mailako taldeak entrenatu zituen. Gerora, Landetxa KT entrenatzaile bilakatu eta 32 urterekin Stadium Galera itzuli zen, harrobiko taldearen bigarren entrenatzailea izan zedin. Azken bi urteetan Ohorezko Jubenil mailako taldearen entrenatzailea izandakoa da Rekarte.
Entrenatzaile galiziarrak Real Unionen eskaintza mahai gainean izan du, baina Ponferradina eta Algeciras taldeetatik jaso dituen eskaintzei lehentasuna eman...
“Ecos del Roca” izenburupean, Roca talde historikoaren sorrera kontatu dute liburuan
Real Unionek “Ecos del Roca” liburua kaleratu berri du,...
Zazpigarren edizioa izanen da eta txapelketa triangularrean, Touring KEk eta Arenas Clubak parte hartuko dute
Real Unionek Irun Hiria Beteranoen...
2024ko urte hasieran ailegatu ziren Real Unionera bi jokalariak utzita eta orain, jatorrizko taldera bueltatuko dira berriz ere
Real Unionek...